ايدىن ايىمبەتوۆ ق ر اسكەري-اۋە كۇشتەرىنىڭ تۋىن عارىشقا الىپ ۇشادى - فوتو
تۋ ونىڭ قازاقستاندىق ارمياداعى ۇشۋ مانسابىنىڭ باستاماسى جانە اڭساعان ارمانى - عارىشقا ۇشۋعا قول جەتكىزگەنىن ايقىندايتىن بەلگى بولىپ تابىلادى.
بۇل تۋرالى ق ر ق م باسپا ءسوز قىزمەتى حابارلادى.
قازىرگى كەزدە قازاقستاننىڭ اۋە قورعانىسى كۇشتەرى باس قولباسشىلىعى باسقارماسىنىڭ وكىلدەرى ارقىلى اسكەري-اۋە كۇشتەرىنىڭ تۋى عارىشكەرگە بەرىلدى.
ايدىن ايىمبەتوۆ 1993-جىلى «ۇشقىش-ينجەنەر» ماماندىعىن العاننان كەيىن ق ر ق ك اۋە قورعانىسى كۇشتەرىنە قاراستى 21751 اسكەري بولىمىندە قىزمەت اتقارىپ، م ي گ-23 جانە ل-39 ۇشاقتارىندا ۇشۋلاردى ورىندادى.
2002-جىلى ۇشقىش قازاقستاندىق عارىشكەرلەردىڭ جاساعىنا ەنگىزۋگە ۇسىنىلعان بولاتىن. ول عارىشكەرلىككە ۇمىتكەرلەر توبىنىڭ قۇرامىندا دايارلىققا كىرىستى. ءۇش جىلدان سوڭ «عارىشكەر-سىناۋشى» بىلىكتىلىگىن الدى. 2014-جىلى وعان «ق ر ا ا ك پولكوۆنيگى» اسكەري اتاعى بەرىلدى.
الداعى «سويۋز ت م ا-18 م» ۇشۋ كەمەسىندە عارىشقا ۇشۋ اعىمداعى جىلى قىركۇيەكتىڭ باسىنا جوسپارلانىپ وتىر. ايدىن ايىمبەتوۆ عارىشكەر سەرگەي ۆولكوۆ (رەسەي عارىشى) جانە استروناۆت اندرەاس موگەنسەنمەن (ەۋروپا عارىش اگەنتتىگى) بىرگە حالىقارالىق عارىش ستانتسياسىنا جىبەرىلەدى.
