پاۆلودارلىق قازاق عالىم الفرەد نوبەل اتىنداعى مەدالمەن ماراپاتتالدى
وسىلايشا ەۋرازيالىق عىلىمي-ونەركاسىپتىك كونسورتسيۋم تەحنيكالىق جانە فيزيكا-ماتەماتيكالىق عىلىمدار دەپارتامەنتى مەتالداردى دەفورماتسيالىق-تەرميكالىق ورنىقتىرۋ ۇردىستەرىن ازىرلەۋ جانە جەتىلدىرۋ سالاسىنداعى عالىمداردىڭ ەڭبەگىن اتاپ ءوتتى. ناگرادا جونىندەگى كوميسسيا جانبولات احمەتوۆتىڭ عىلىمي ازىرلەمەسى ەلەۋلى قىزىعۋشىلىق تۋدىراتىنىن اتاپ ءوتتى.
كوميسسيا وكىلدەرى احمەتوۆتىڭ باسپاقتاۋ جابدىعى بارلىق زاماناۋي تالاپتارعا سايكەس كەلەتىنىن ايتتى. ول ويلاپ تاپقان اپپارات وندىرىستە پايدالانىپ جۇرگەننەن جارتى باعاعا ارزان. ءارى تەحنولوگيالىق پارامەترلەر مەن ونىمدىلىگى جاعىنان وتە جوعارى دەڭگەيدە.
«باستىسى - ونى پايدالانۋداعى تەحنيكالىق جانە ەكونوميكالىق تيىمدىلىك. ەگەر باسپاق وڭىردە سۇرانىسقا يە بولىپ جاتسا، وندا ەكونوميكاعا ءوز پايداسىن تيگىزەدى»، - دەپ سانايدى ج. احمەتوۆ.
