جايىق وزەنىنىڭ جاسىل تۇسكە بويالۋ سەبەپتەرى انىقتالۋدا
«بۇل ەرەكشە قۇبىلىس. ءبىر قاراعاندا، بالدىرلاردىڭ كوكتەۋى سياقتى. الايدا مۇنداي جاعدايدا جايىقتىڭ بۇلاي جاسىلدانۋىن بۇرىن كورمەگەن ەدىم. ەكولوگتار، سانيتارلىق دارىگەرلەر جانە وبلىستىق اكىمدىكتىڭ سۇراۋىمەن تاۋەلسىز زەرتحانالاردىڭ ءبىرى سۋ سىناماسىن الدى. وعان تالداما جاسالعان سوڭ بۇل ەرەكشە قۇبىلىستىڭ ورىن الۋ سەبەپتەرى انىقتالادى دەپ ۇمىتتەنەمىن»، - دەدى سۋ رەسۋرستارىن پايدالانۋ مەن قورعاۋدى رەتتەۋ جونىندەگى جايىق-كاسپي باسسەينى ينسپەكتسياسىنىڭ باسشىسى بەيسەن قۋانوۆ.
ەسكە سالا كەتەيىك، بۇعان دەيىن جايىق وزەنىنە كوپ كولەمدە بوياۋ اعىزىلعان دەپ شامالانعان ەدى. بۇل نۇسقا دا تەكسەرىلۋدە، الايدا جاسىل تۇسكە بويالعان سۋدىڭ ەش ءيىسى جوق. جايىقتىڭ بويالۋ سەبەپتەرىن انىقتاۋ اتىراۋ وبلىسىنىڭ تابيعاتتى قورعاۋ پروكۋراتۋراسىنىڭ باقىلاۋىنا الىنعان. سۋ جۇرەتىن قۇبىرداعى سۋدان دۋستتىڭ (زياندى جاندىكتەردى جويۋعا ارنالعان ۋلى ۇنتاق) ءيىسى شىعۋى دا نازارعا الىندى.
