مەملەكەتتىك شەكارانى زاڭسىز كەسىپ وتكەندەرگە جازا بەلگىلەندى
ءىس ماتەريالدارىنا سايكەس، رەسەي فەدەراتسياسىنىڭ ءۇش ازاماتى، سونىڭ ىشىندە كامەلەتكە تولماعان ءبىر جاسوسپىرىم، قازاقستان رەسپۋبليكاسىنىڭ شەكاراسى ارقىلى وتكىزۋ پۋنكتتەرىنەن تىسقارى جەردەن زاڭسىز كەسىپ وتكەن.
ولار رەسەي فەدەراتسياسىنىڭ ورىنبور وبلىسى، ەلەك اۋدانى، سۋحورەچكا اۋىلىنان، قازاقستان رەسپۋبليكاسىنىڭ باتىس قازاقستان وبلىسى، ءبورلى اۋدانى، ۋسپەنوۆكا اۋىلىنداعى تۋىستارىنا بەت العان. اتالعان ازاماتتاردى ق ر ۇ ق ك شەكارا قىزمەتىنىڭ شەكاراشىلار جاساعى ۇستاعان.
سوت ۇكىمىمەن ءۇش شەتەلدىك ازامات ق ر ق ك- ءنىڭ 392-بابىنىڭ 1-بولىگىمەن كىنالى دەپ تانىلدى. كامەلەتكە تولماعان جاسوسپىرىمگە 10 ايلىق ەسەپتىك كورسەتكىش كولەمىندە 19820 تەڭگە ايىپپۇل تۇرىندەگى جازا تاعايىندالدى.
قالعان ەكى سوتتالۋشى 6 اي مەرزىمگە باس بوستاندىقتارىنان ايىرىلىپ، 5 جىلعا قازاقستان رەسپۋبليكاسىنىڭ شەگىنەن تىسقارى جەرگە شىعارىپ جىبەرۋ جازاسى تاعايىندالدى.
ن. نۇراحمەت ۇلى
