كوكشەتاۋدا ايەل التىن تولى سومكەسىن ۆوكزال ماڭىنداعى ورىندىقتىڭ ۇستىنە قالدىرىپ كەتكەن
بۇل تۋرالى وبلىستىق ءى ءى د باسپا ءسوز قىزمەتىنەن حابارلادى.
پوليتسەيلەردىڭ مالىمەتى بويىنشا، «ۇمىتشاق» ايەل سومكەنى كوكشەتاۋ اۆتوۆوكزالى ماڭىنداعى ورىندىقتىڭ ۇستىندە ۇمىتىپ كەتكەن. ابىروي بولعاندا، سومكە تابىلىپ، ىشىندەگى قۇندى زاتتارىنا ەشكىم تيمەگەن.
«ەڭبەكشىلدەر اۋدانىنىڭ شالعاي اۋىلىنان كەلگەن ايەل كوكشەتاۋ اۆتوۆوكزالى ارقىلى اۆتوبۋسپەن شۋچە قالاسىنا جول تارتقان. اسىعىس اۆتوبۋسقا وتىرىپ كەتىپ قالعان ول ۆوكزال ماڭىنداعى ورىندىقتىڭ ۇستىندە قۇنى 880 مىڭ تەڭگەنىڭ التىن بۇيىمدارى سالىنعان سومكەسىن ۇمىتىپ كەتكەن. ايەلدىڭ ۋاقىتىندا پوليتسياعا حابارلاسۋىنىڭ ارقاسىندا 2 ساعاتتىڭ ىشىندە جوعالعان زات تابىلىپ، يەسىنە قايتارىلدى. ونى تاۋىپ العان سول ماڭداعى دۇڭگىرشەك ساتۋشىسى بولىپ شىقتى. سومكەنىڭ يەسى جوعالعان زاتىن تەز ارادا تاۋىپ بەرگەن قۇقىق قوعاۋ ورگاندارىنىڭ قىزمەتكەرلەرىنە العىسىن ءبىلدىردى»، - دەيدى پوليتسەيلەر.
