قىزىلوردالىق كيكبوكسشىلار ازيا چەمپيوناتىنان ولجالى ورالدى - فوتو

كيك بوكسينگتىڭ فۋلل-كونتاكت، لوۋ-كيك، ك-1 بولىمدەرى بويىنشا وتكەن جارىسقا 17 مەملەكەت قاتىستى.

اتالمىش باسەكەدە  قىزىلوردا وبلىسىنان ەكى سپورتشى سىنعا ءتۇسىپ، ەكەۋى دە جەڭىسپەن ورالدى. اتاپ ايتساق، لوۋ-كيك بولىمىندە ونەر كورسەتكەن التىنبەك ءجۇنىسوۆ 75 كەلى سالماق دارەجەسىندە ازيا چەمپيونى اتانىپ، ق ر حالىقارالىق دارەجەدەگى سپورت شەبەرى نورماتيۆىن ورىندادى. ول ءۇش كەزدەسۋ وتكىزىپ، فينالدا قىرعىزستان سپورتشىسىن 3:0 ەسەبىمەن جەڭدى. 86 كەلى سالماقتا احمەديار امانجولوۆ لوۋ-كيك بولىمىندە كۇمىس جۇلدەنى يەلەندى. بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتى حابارلادى.

ايتا كەتەيىك، قازاقستاننىڭ نامىسىن 33 سپورتشى قورعاپ، جالپى كوماندالىق ەسەپتە قازاقستان كوش باستادى. قالعان ورىنداردى قىرعىزستان جانە يران مەملەكەتتەرى يەلەندى.

قوس سپورتشى  قىزىلوردا قالاسىندا دۇنيەگە كەلگەن. كيك بوكسينگپەن جاستايىنان اينالىسىپ كەلە جاتقان ەكەۋى دە قازىرگى تاڭدا وبلىستىق جوعارى سپورت شەبەرلىگى مەكتەبىندە جاتتىعادى. باپكەرى - كيك بوكسينگتەن وبلىستىڭ اعا جاتتىقتىرۋشىسى بەرىك احمەتوۆ جانە جاتتىقتىرۋشى قايرات بايقۋاتوۆ. ازيا چەمپيونى اتانعان التىنبەك ءجۇنىسوۆ ەندى ۇستىمىزدەگى جىلدىڭ قازان ايىندا سەربيانىڭ بەلگراد قالاسىندا بولاتىن الەم چەمپيوناتىنا دايىندالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى