ءادىلحان ەرجانوۆ جاس اكىم جايلى ساتيرالىق فيلم ءتۇسىرىپ جاتىر

كارتينانىڭ ءتۇسىرىلىم جۇمىستارى مامىردا باستالدى، جىل سوڭىندا اياقتۋ جوسپارلانعان. لەنتا سيۋجەتىنە سايكەس، جاس اكىم اۋىلعا كەلىپ، ءوزىنىڭ وزگەرىستەرى مەن ەرەجەسىن ەنگىزۋ ارقىلى جاعدايدى وزگەرتكىسى كەلەدى. جەرگىلىكتى بيلىك پەن تۇرعىندار جاس رەفورماتورعا اسا نازار اۋدارمايدى، وسىلايشا ولاردىڭ اراسىندا كەلىسپەكشىلىك پايدا بولادى.

كادردى ءتۇسىرىلىم توبى جولدادى

«فيلم كاريكاتۋرالىق رەاليزمدە كينوتىلدەگى ىزدەنىستەرىمدى جالعاستىرادى. كارتيناداعى باستى يدەيا - وبا كەزىندە ۇلان- اسىر تويدىڭ بولۋى. اۋىلدا بىرنەشە ءجۇز جىلدان بەرى وبا تارالعان، ءبىراق ادامدار وعان ۇيرەنىپ كەتكەن. ەتىمىزدىڭ جەمقورلىققا ۇيرەنگەنىندەي. فيلمدەگى وقيعالاردى بۇگىنگى ومىردەگى وقيعالارمەن بايلانىستىرۋعا نيەتىم جوق. بۇل كاريكاتۋرالىق رەاليزم، ستيل، وندا شىنايى اقيقات جوق. الايدا يدەيانىڭ وزدىگىنەن پايدا بولمايتىنىنا سەنىمدىمىن. شىعارماشىلىقتاعىنىڭ بارلىعى ومىردە تۋادى. ال سۋرەتشىنىڭ شىندىققا قاراماي، بۇلتتاردىڭ اراسىندا قيالداپ جۇرگىسى كەلەتىنى - ءوز قۇقىعى - ءبىراق مۇنداي شىعارمالاردا ءومىر بولمايدى، ونەر دە»، - دەدى ءادىلحان ەرجانوۆ.

ايتا كەتەيىك، ءادىلحان ەرجانوۆتىڭ ەكىنشى فيلمى «قوجايىندار» الەمدەگى ەڭ ابىرويلى كينوفەستيۆالدەرىندە كورسەتىلدى، ونىڭ ىشىندە كانن، تورونتو، اۋستراليا، وڭتۇستىك كورەيا ەلدەرىندەگى فەستيۆالدەر بار. الايدا كەيىن مادەنيەت جانە سپورت ءمينيسترى ارىستانبەك مۇحامەدي ۇلى ءوز پىكىرىنشە قازاقستاندى قورلايتىن فيلمدەردى اتادى. ولاردىڭ ىشىندە ءادىلحان ەرجانوۆتىڭ «رەلتور» جانە «قوجايىندار» تۋىندىلارى بولدى.

«ءبىزدىڭ كينو قازىر كەڭ پەيىل، بەيقام. شىندىقتىڭ ەلەمەنتىن قوسساڭىز- اق سىننىڭ استىندا قالاسىز. كەيبىرەۋلەرگە شىنايى كينونى لاس فيلمدەردىڭ قاتارىنا قوسا سالۋ وڭاي. وسىلايشا كوپتەگەن رەجيسسەرلەر اقىنداردىڭ شىندىقتى ايتۋى سياقتى مىندەتىنەن قۇتىلىپ كەتىپ ءجۇر. الايدا مەن كينونى مىندەتتى تۇردە الەۋمەتتىك تاقىرىپقا ارنالۋى كەرەك دەمەيمىن. ول شىنايى بولۋى كەرەك. ءومىر، قوعام، شىندىق بار كينو قانشا قاراجات جۇمساپ، تاپسىرىسپەن تۇسىرىلگەندەردەن ءارقاشان قىزىعىراق بولادى»، - دەدى ەرجانوۆ.

ايتا كەتەيىك، رەجيسسەر «قاراتاس اۋىلىنداعى وبا» فيلمىن Soros Foundation-Kazakhstan قورىنىنان العان 6 مىڭ دوللار كولەمىندەگى گرانتىنىڭ ەسەبىنە ءتۇسىرىپ جاتىر. ال جاس كينەماتوگرافيستەر ەدىگە نەسىپبەكوۆ پەن ايبەك قۇدابايەۆ وپەراتور جانە پروديۋسەرى سەرىك ابىشەۆ. باستى رولدەردە ارسلان اقۇبايەۆ پەن مۇرات ماحان وينايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى