جاڭا تەلەماۋسىمدا «قازاقستان» تەلەارناسى كورەرمەندەرگە قايتالانباس اسەر سىيلاماق - فوتو
جاڭا ماۋسىمدى «قازاقستان» تەلەارناسى ميلليونداعان قازاقستاندىقتاردىڭ كوزايىمىنا اينالعان رەيتينگتى جوبالارىمەن اشپاق.
17 -تامىز كۇنگى تاڭدا «تاڭشولپان» تاڭعى شوۋ جۇرگىزۋشىلەرى يرينا تەن مەن جانسەرىك بەرىكقازى ۇلىنىڭ (7:00 دە) كورەرمەندەرمەن جاڭا جاڭالىقتار جانە جاعىمدى ەموتسيالارمەن، پايدالى كەڭەستەرمەن ءبولىسىپ، قىزىقتى جانە پوزيتيۆتى ادامدارمەن سويلەسۋ ءۇشىن ەفيرگە شىعاتىن بولادى.
بۇرىنعى تانىستارمەن جاڭا كەزدەسۋلەر قۇرمانبەك جۇماعاليدىڭ سەنبىلىك كەشتەرىن كوركەيتەتىن بولادى. «سەنبىلىك كەزدەسۋ» 22 -تامىزدان باستالادى. ستۋدياداعى العاشقى قوناقتار ءانشى جانە كومپوزيتور ۇلىقپان جولداسوۆ، ق ر حالىق ءارتىسى دوسحان جولجاقسىنوۆ، ءانشى قايرات نۇرتاس بولادى.
جاڭا ماۋسىم قارساڭىندا ءلايلا سۇلتان قىزى كورەرمەندەر ءۇشىن ەڭ سەزىمتال جانە شىنايى ءومىر وقيعالارىن ازىرلەپ قويدى. الەۋمەتتىك ماڭىزى زور تاقىرىپتار تالقىعا سالىناتىن قازاقستاننىڭ باستى «ايەل باقىتى» ايەلدەر توك- شوۋى ەفيرگە 24 -تامىزدا شىعادى.
«قازاقستان» تەلەارناسىنىڭ كورەرمەندەرى نۇرلان قويانبايەۆتىڭ ستۋدياسىندا ەكى ەسە اسەرلى شوۋعا كۋا بولادى. ەفير - 25 -تامىزدا. «تۇنگى ستۋديادا» جوباسىنىڭ قوناقتارىنا ارنالعان توسىن سۇراقتار ازىرلەنىپ تە ۇلگەردى.
كەڭىنەن تانىمال «قازاقستان داۋىسى» شوۋى 20 -قىركۇيەكتەن باستاپ تاعى ەفيرگە جول تارتادى. ول ءۇشىنشى ماۋسىم كۇنى باستالماق، دەپ حابارلايدى تەلەارنانىڭ باسپا ءسوز قىزمەتى.
سونداي- اق، 29 -قىركۇيەكتە «قازاقستان» ارناسىنىڭ ەفيرىندە «نامىس دودا» سپورتتىق- ويىن- ساۋىق شوۋىنىڭ ءۇشىنشى ماۋسىمى باستاۋ الادى. جوبا جۇرگىزۋشىلەرى - نۇرلان قويانبايەۆ پەن اسحات سادىرباي. وسى جىلى تارتىستارعا تولى دودا قىتايدىڭ حاينان ارالىندا وتپەك. ءبىزدىڭ قۇراماعا قارسى قىتاي، ۆەنگريا، فرانسيا مەن الجير كوماندالارى شىقپاق. قازاقستان 2012 -جىلى جەڭىمپاز بولىپ تا ۇلگەردى.
