كوگەرشىندەر دە قاۋىپتى - باسپا سوزگە شولۋ

«بۇكىل الەمدە «جەر جانناتىنا» بالاناتىن تىلسىم ءارى تاماشا تابيعاتتى جەرلەر ميلليونداعان تۋريستەردى تارتىپ، مەملەكەتتەر قازىناسىنا ميللياردتاعان كىرىس قۇيادى. ال قازاقستاندا تابيعي قورىقتار مەن ساياباقتاردىڭ باسىم كوپشىلىگى وزدەرىنە مەملەكەت جۇمسايتىن شىعىنداردى دا اقتامايدى. سونىڭ ءبىر سەبەبىن قارجى مينيسترلىگىنىڭ مەملەكەتتىك كىرىستەر كوميتەتى انىقتاعانعا ۇقسايدى. بۇل قۇرىلىم ءبىرقاتار تابيعات قورعاۋ ۇيىمدارىنىڭ قىزمەتىنە ريەۆيزيا جۇرگىزىپ شىقتى»، - دەپ جازادى «ايقىن» گازەتى بۇگىنگى سانىنداعى «ۋاتساپپ» ارقىلى زاڭدىلىقتى باقىلايدى» اتتى ماقالاسىندا.

وسى باسىلىمدا «كوگەرشىندەر دە قاۋىپتى» دەگەن ماقالا جاريالاندى. پەرۋ استاناسى ليمادا باسشىلارى كوشەدەگى كوگەرشىندەردى تاماقتاندىرۋعا تىيىم سالىپتى. زاڭدى بۇزعاندار 120 ا ق ش دوللارى كولەمىندە ايپپۇل تولەيدى. زاڭدى ەكىنشى رەت بۇزعاندار بۇدان ەكى ەسە كوپ شىعىنعا باتادى. قالا بيلىگىنىڭ مۇنداي شاراعا بارۋىنا نە سەبەپ بولعانىن سىزدەر دە بىلگىلەرىڭىز كەلەتىنى انىق. شاھاردا كوگەرشىندەردىڭ كوپتىگى پروبلەماعا اينالىپتى. 30 مىڭنان اساتىن قۇستىڭ كۇندەلىكتى تىرشىلىگى - تاماق تابۋ عانا ەمەس، بايقاماساڭىز، باسىڭىزعا دا دارەت سىندىرادى. ال ەڭ باستىسى - اۋرۋ تاراتادى.

 ***

 «ەكسپرەسس- ك» گازەتىنىڭ بۇگىنگى سانىندا «دەلو و سەرجانتسكوم پوگونە» اتتى ماتەريال بەرىلگەن. 6 -شىلدەدە كوكشەتاۋدا «اسكەر» اۆتوپاترۋلى ەكى ەر ادام اراسىنداعى كيكىلجىڭ ورىن العان جەرگە شاقىرتۋمەن بارادى. ءتارتىپ ساقشىلارى جەكە ءۇيدىڭ ماڭىنا جەتكەن كەزدە، سول جەردەگى كولىكتەردىڭ ءبىرىنىڭ جولاۋشىسى پوليتسيا سەرجانتىمەن كەرىسىپ قالىپ، ونىڭ پوگونىن جۇلىپ العان ەكەن. پوليتسەيلەر اتالعان ازاماتتى ارەڭ توقتاتقان كورىنەدى. كەيىننەن بۇل ادام كوكشەتاۋداعى مامانداندىرىلعان اكىمشىلىك سوتتىڭ سۋدياسى 32 جاسار الماز الپىسبايەۆ ەكەنى بەلگىلى بولدى. ءى ءى د اتالعان ءىس بويىنشا ماتەريالداردى جيناپ، ونى وبلىستىق پروكۋراتۋراعا جىبەردى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى