تۇرىك باعباندارى شىمكەنتتە ءجۇر - فوتو
وعان وبلىستىڭ تۇكپىر- تۇكپىرىنەن كەلگەن باۋ-باقشا باعباندارى قاتىستى، دەپ حابارلايدى otyrar.kz. باستى ماقسات - «Sungenta» مەكەمەسى شىعاراتىن حيميالىق نيتراتتاردى دۇرىس قولدانۋدى ۇيرەنۋ.
جيىندا باقشا ونىمدەرىن قۇرت- قۇمىرسقالاردان ساقتاۋ جولدارى ءتۇسىندىرىلدى. «RS اگروگرۋپ حولدينگ» ج ش س-نىڭ بۇل الما باۋى 2013 -جىلى ەگىلگەن. كوشەتتەر تۇركيانىڭ «گۇلبۇداق» مەكەمەسىنەن الىنعان.
بيىل العاشقى رەت گۇلدەپ، جەمىس سالعان دا ەكەن. وكىنىشكە قاراي، كوكتەمگى اياز باۋ- باقشا ونىمدەرىنە ايتارلىقتاي زيانىن تيگىزگەن. سوعان قاراماستان ەكى گەكتار الما القابىنان 5 توننا ءونىم جينالىپتى. بۇگىنگى كەزدەسۋگە تۇركيا ماماندارى دا ارنايى كەلىپ قاتىستى.
«ءبىز قازاقستانعا كوشەت ساتىپ قانا قويماي، ونىڭ جەرسىنىپ- ءوسۋىن دە باقىلادىق. ءبىزدىڭ وسىدان ەكى جىل بۇرىن ەككەن كوشەتتەرىمىز العاشقى جىلدىڭ وزىندە 7 توننا ءونىم بەرگەن. ارينە، وعان قۋانىشتىمىز»، - دەيدى «RS اگروگرۋپحولدينگ» ج ش س ديرەكتورى ساعىن قاراتايەۆ.
سوڭعى جىلدارى وبلىستا قارقىندى الما باۋ ءوسىرۋ قولعا الىندى. مامانداردىڭ مالىمدەۋىنشە، بۇگىندە ەگىلگەن باۋدىڭ كولەمى ەكى مىڭ گەكتارعا جۋاقتاعان. ەڭ باستىسى وسى باۋ- باقشانىڭ ءونىپ- ءوسۋىن اۋىل شارۋاشىلىعى ينستيتۋتتارى دا باقىلاۋعا الىپ، ەگىلگەن اعاش كوشەتەرىن كۇتىپ ۇستاۋعا ءتۇرلى كەڭەستەرىن بەرەدى.
بۇعان دەيىن كوشەتتەرىن تۇرىك ەلىنەن اكەلەتىن «RS اگروگرۋپحولدينگ» ج ش س وزدەرى دە كوشەت ءوسىرۋدى قولعا الىپتى. وتكەن جىلى 100 مىڭ ءتۇپ كوشەت ساتىلسا، 2016 -جىلعا جوسپار - 200 مىڭ ءتۇپ. سونداي-اق، باۋ-باقشا ەگىپ ماشىقتانعان ماماندار گەكتارىنان 50 توننا ءونىم الىنباسا ول قارقىندى باۋ-باقشا ءتيىمسىز دەگەن پىكىردە.
