قوستاناي وبلىسىندا ەگىن جيناۋ ناۋقانى باستالدى

وبلىس اكىمى نۇرالى ءسادۋاقاسوۆتىڭ سوزىنە قاراعاندا، اعىمداعى اپتانىڭ سوڭىنا قاراي جاپپاي ەگىن جيناۋ كۇتىلىپ وتىر.

ايماق باسشىسىنىڭ باعالاۋىنشا، ورتاشا العاندا ەگىن ءونىمى گەكتارىنا 8 - 10 تسەنتنەردى قۇراۋى مۇمكىن.

جيناۋ جۇمىستارىن الدىمەن باتىس جانە وڭتۇستىك اۋداندار، ودان كەيىن شىعىس جانە ورتالىق، سوڭىنان سولتۇستىك اۋداندار باستايدى.

قوستاناي وبلىستىق اۋىل شارۋاشىلىعى باسقارماسىنىڭ مالىمەتىنشە، ءشوپ دايىنداۋ اياقتالۋعا جاقىن. ءقازىر ونىڭ كولەمى 1,6 ميلليون توننانى قۇراپ وتىر. بۇل وتكەن جىلعىدان 600 مىڭ تونناعا، جوسپارلانعاننان 100 تونناعا ارتىق.

وبلىس اكىمى نۇرالى ءسادۋاقاسوۆ اۋدانداردى ارالاۋعا كىرىستى، ول ەگىن جيناۋ جوسپارىمەن تانىسىپ جاتىر. اكىمنىڭ ايتۋىنشا، كوكتەمدەگى ەگىس ناۋقانىنداعى كوپكە سوزىلعان جاڭبىر اگرارشىلاردى ەگىن ەگۋدى ءۇش كەزەڭدە جۇرگىزۋگە ماجبۇرلەگەن.

«تارانوۆ جانە دەنيسوۆ اۋداندارىندا ونىمدىلىك 8 - 9 س/گ ا دەڭگەيدە بولادى دەپ جوسپارلاپ وتىرمىز، - دەدى ن. ءسادۋاقاسوۆ. - ءجىتىقارا اۋدانىندا دەمالىس كۇندەرى كۇننىڭ ىسۋى جاعدايدى ۋشىقتىردى. سوندىقتان ورتاشا ونىمدىلىك 6 - 6,5 س/گ ا، قامىستى اۋدانىندا 8 س/گ ا شاماسىندا بولادى دەپ بولجانىپ وتىر».

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى