قاسكەلەڭدە ءجۇرىپ بارا جاتقان كولىك توبەسىنەن بالالاردىڭ شىعىپ العانى كەسكىنگە ءتۇسىرىلدى
وقيعا كولىكتەر كوپ جۇرەتىن جەردە بولادى. Mercedes A - كلاسستىڭ توبەسىندەگى ليۋكتەن شامامەن 10 جاستاعى قىز بەن 6 جاستاعى بالا شىعىپ العان.
وبلىستىق ءىءى د باسپا ءسوز قىزمەتىنىڭ مالىمەتىنشە، جۇرگىزۋشى ق ر ءا ق- نىڭ بابىن بۇزعان. قاراساي اۋداندىق ءى ءى ب پوليتسيا باسقارماسىنىڭ قىزمەتكەرلەرى كولىك تىزگىنىندە بولعان ايەلدى ۇستاپ، وعان 9910 تەڭگە كولەمىندە ايىپپۇل سالدى. باسپا ءسوز وكىلدەرىنىڭ ايتۋىنشا، پوليتسياعا قۇقىق بۇزۋشىلىق جايلى WhatsApp مەسسەندجەرىنىڭ +77079223233 نومەرى ارقىلى بىلگەن. ۆيدەو اۆتورلارى شاعىمدى وسى نومەرگە جىبەرىپتى.
ەسكە سالايىق، وسىعان ۇقساس جاعداي الماتى قالاسىندا دا بولعان ەدى. الماتى پوليتسياسى دوستارىن كولىكتىڭ ۇستىنە شىعارىپ قىدىرتقان جۇرگىزۋشىنى جازالادى. ءۇش جىگىتتىڭ ءجۇرىپ بارا جاتقان كولىكتىڭ ۇستىنە شىعىپ العانى جازىلعان بەينەروليك تاياۋدا جەلىدە جاريالاندى. پوليتسەيلەردىڭ مالىمدەۋىنشە، ۆيدەوداعى جازبادان جول قوزعالىسى، ناقتىراق ايتقاندا جولاۋشىلاردى تاسىمالداۋ ەرەجەسىنىڭ ورەسكەل بۇزىلعانىن كورۋگە بولادى.
