فلويد مەيۆەزەر: گولوۆكيننىڭ جەكپە-جەگىن كوردىم، اسىپ بارا جاتقان ەشتەڭەسى جوق
«شىنىمدى ايتسام، گولوۆكيننىڭ كىم ەكەنىن بىلمەيمىن.. .»، - دەدى مەيۆەزەر كۇزدە بولاتىن PPV ترانسلياتسياسى تۋرالى سۇراققا جاۋاپ بەرە وتىرىپ. «GGG. ا، ءيا، ءبىراق مەن 160 فۋنتقا كوتەرىلمەيمىن. مەن ونىڭ جەكپە-جەگىن كوردىم. اسىپ بارا جاتقان ەشتەڭەسى جوق. دەگەنمەن مەن وعان بار جاقسىلىقتى تىلەيمىن جانە مانسابىندا جەتكەن جەتىستىكتەرىمەن قۇتتىقتايمىن».
گەننادي گولوۆكيننىڭ ەسىمى فلويد مەيۆەزەر مانسابىنداعى سوڭعى قارسىلاستارىنىڭ قاتارىندا بىرنەشە رەت اتالعان. قازاقستاندىق بوكسشى بۇل كەزدەسۋدىڭ ارمانى ەكەنىن ايتتى.
38 جاستاعى فلويد مەيۆەزەر قازىرگى زامانعى بوكسشىلاردىڭ ىشىندەگى ەڭ ۇزدىگى. ول 48 كەزدەسۋ وتكىزىپ، بارىندە جەڭىسكە جەتكەن. مامىر ايىنىڭ باسىندا امەريكالىق بوكسشى فيليپين مەنني پاكياونى جەڭدى. وسىدان كەيىن مەيۆەزەر سوڭعى كەزدەسۋىن قىركۇيەكتە وتكىزەتىنىن ايتتى. ونىڭ سوڭعى قارسىلاسى - اندرە بەرتو.
33 جاستاعى گەننادي گولوۆكين كاسىبي بوكستا 33 جەكپە-جەك وتكىزدى. ول بارلىعىندا جەڭىسكە جەتتى. ونىڭ كەلەسى كەزدەسۋى 17- قازاندا نيۋ-يوركتە وتەدى. ول كانادالىق داۆيد لەمەمەن كەزدەسەدى.
