قازاقستاندا بالالار قاۋىپسىزدىگىنە ارنالعان سايت اشىلدى
سايتتا ءسابي شاقتان 17 جاسقا دەيىنگى بالالار قاۋىپسىزدىگىنە قاتىستى اقپاراتتار جۇكتەلگەن، دەيدى سايتتى ءوز باستاماسىمەن ۇيىمداستىرعان استانا تۇرعىنى دينارا قۇسايىن. ول سونداي-اق سايتتا انالارعا ارنالعان بلوگتى دا جۇرگىزۋدە.
اتالمىش سايت اتا-انالارعا، تاربيەشىلەر مەن مۇعالىمدەرگە جانە ەڭ باستىسى - بالالارعا، سونداي-اق جالپى كوپشىلىككە ارنالعان. Amansabi.kz اقپاراتتىق رەسۋرسىنا «دامۋ» كاسىپكەرلىكتى دامىتۋ قورى قولداۋ كورسەتتى.
الداعى ۋاقىتتا سايت پايدالى كەڭەستەرمەن، بالالار قاۋىپسىزدىگى جايىنداعى حالىقارالىق ساراپشىلاردىڭ ماتەريالدارىمەن تولىعا تۇسپەك.
