ورال قالاسىنىڭ اۋەجايى جابىلادى

شامامەن 15- قازانعا دەيىن باتىس قازاقستان ءوڭىرىنىڭ تۇرعىندارى مەن قوناقتارىنا اتىراۋ ارقىلى ۇشۋلارىنا تۋرا كەلەدى. ياعني، اۆتوبۋستار جولاۋشىلاردى اتىراۋ اۋەجايىنا دەيىن جانە كەرى تاسىمالدايدى.

«ۇشۋ-قونۋ جولاعىنىڭ رەكونسترۋكتسياسى كەستەگە ساي جۇرۋدە. شامامەن 1- قىركۇيەك پەن 15- قازان ارالىعىندا اۋەجاي جابىق بولادى»، - دەدى «ورال» حالىقارالىق اۋەجايىنىڭ باس ديرەكتورى حايرەتدين راسقاليەۆ.

ەسكە سالايىق، اتالمىش اۋەجايدىڭ ۇشۋ-قونۋ جولاعىن قايتا جوندەۋ جۇمىستارى وتكەن جىلى باستالعان. 2014-جىلدىڭ 1- قىركۇيەگى مەن 3- قاراشاسى ارالىعىندا ۇشاقتار اتىراۋ ارقىلى ۇشقان. 3- قاراشادا رەكونسترۋكتسيالاۋدىڭ ءبىرىنشى كەزەڭىنەن سوڭ اۋەجاي اشىلعان. ەكىنشى كەزەڭ اعىمداعى جىلدىڭ مامىر ايىندا جۇرگىزىلدى.

بيىلعى جىلدىڭ سوڭىنا دەيىن ارالىق جول، تۇراق جوندەلىپ، ۇشۋ-قونۋ جولاعىنىڭ ۇزىندىعى 400 مەترگە جەتكىزىلەدى. اپاتتىق ستانسا مەن ترانسفورماتورلىق شاعىن ستانسا سالىنادى. اۋەجاي رەكونسترۋكتسياسىنا رەسپۋبليكالىق بيۋدجەتتەن 7 ميلليارد تەڭگەگە جۋىق قاراجات ءبولىندى، دەپ حابارلايدى aeroport.kz.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى