ۇلىتاۋ اۋدانىندا تۋريزم قارقىندى دامىپ كەلەدى
تەك وسى جىلدىڭ وزىندە ايماققا 250 مىڭنان استام تۋريست تابان تىرەپتى. بۇل كورسەتكىش وتكەن جىلدارمەن سالىستىرعاندا %22 عا كوپ. ال قوناقۇيلەر مەن پانسيوناتتار سانى %10 عا ارتقان. وبلىستا «حودلاين» جەدەل جەلىسى جۇمىس ىستەپ تۇر.
بۇل جەلى ارقىلى كەز كەلگەن ساياحاتشى ءۇش تىلدە ايماقتاعى تۋريزم تۋرالى اقپارات الا الادى. «ەكسپو-2017» حالىقارالىق كورمەسى كەزىندە وڭىرگە كەلەتىن قوناقتاردىڭ سانى ارتادى دەپ كۇتىلۋدە. بۇگىندە تۋريستىك كومپانيالار شەتەلدىك قوناقتارعا ارناپ، جول كورسەتكىش كارتالار ازىرلەۋدە.
«تامىز ايىندا قاراعاندى وبلىسىنىڭ ۇلىتاۋ اۋدانىندا قازاق حاندىعىنىڭ 550 جىلدىعىنا ارنالعان جاستار فورۋمى وتەدى. بۇل شاراعا رەسپۋبليكامىزدىڭ تۇكپىر-تۇكپىرىنەن ستۋدەنتتەر قاتىسادى دەپ كۇتىلۋدە. سونىمەن قاتار ۇلىتاۋ اۋدانىنداعى تاريحي جانە مادەني جەرلەردى كورسەتەتىن جاڭا انىقتاما دايىندالادى. بۇل سىزبا ەكى تىلدە جاسالىپ، ۇلىتاۋ اۋدانىنا بارامىن دەۋشىلەردىڭ بارلىعىنا تاراتىلادى»، - وبلىستىق كاسىپكەرلىك باسقارماسى باسشىسىنىڭ ورىنباسارى تاتيانا ابلايەۆا.
