استانا تۇرعىنى تەمەكى تۇقىلىن جەرگە تاستاعانى ءۇشىن قاماۋعا الىندى
اتالعان ازامات قوعامدىق ورىندا تەمەكى تۇقىلىن جەرگە تاستاپ، سول ارەكەتىمەن كوپشىلىك پايدالاناتىن ورىندى لاستاپ، قوعامدىق ءتارتىپتى بۇزعان.
استانا قالاسىنىڭ اكىمشىلىك سوتى ق ر ا ق ب ت ك 434 بابىمەن كوزدەلگەن ەر ادامدى اكىمشىلىك قۇقىق بۇزۋشىلىق - ۇساق قۇقىق بۇزۋشىلىق جاساعانى ءۇشىن كىنالى دەپ تاۋىپ، وعان اكىمشىلىك جازا رەتىندە 3 تاۋلىككە قاماۋدى تاعايىنداعان.
تاعى دا ءبىر قوعامدىق ءتارتىپتى بۇزۋشى المالى كوشەسىنىڭ بويىندا ورنالاسقان وقۋ عيماراتىنىڭ قاسىندا شەكىلدەۋىك شاعىپ، سول ارەكەتىمەن قوعامدىق ورىندى لاستاعانى ءۇشىن سوت شەشىمىمەن 1 تاۋلىككە اكىمشىلىك قاماۋعا الىندى. ءوز جازالارىن قۇقىق بۇزۋشىلار استانا قالاسى ءى ءى د ارنايى قابىلداۋ ورتالىعىندا وتەيدى.
جىل باسىنان بەرى استانا قالاسىنىڭ پوليتسەيلەرى «مۇلدەم توزبەۋشىلىك» قاعيداسىن ورىنداۋدىڭ شەڭبەرىندە 52 ۇساق قۇقىق بۇزۋشىلىقتى انىقتادى، سونىڭ ىشىندە سوتتىڭ تارتىبىمەن 3 مىڭعا جۋىق ءىس قۇقىق بۇزۋشىلىققا قاتىستى بولسا، 494 قۇقىق بۇزۋشى 10 تاۋلىك مەرزىم ۋاقىتىنا اكىمشىلىك قاماۋعا الىنىپ، 2,5 مىڭعا جۋىق ادامعا ايىپپۇل سالىندى.
ەسكە سالا كەتەيىك، اكىمشىلىك زاڭناماعا سايكەس «ۇساق قۇقىق بۇزۋشىلىق» - قوعامدىق ورىنداردا بىلاپىت ءسوز ايتۋ، جەكە تۇلعالارعا ءتىل تيگىزىپ ءتيىسۋ، تۇرعىن عيماراتتار مەن قوعامدىق ورىنداردى، ساياباقتاردى لاستاۋ، وعان قوسا كومۋنالدى قالدىقتاردى تاستاۋ بولىپ سانالادى. اتالمىش باپتى بۇزعان ءۇشىن 10 ا ە ك كولەمىندە ايىپپۇل نەمەسە 10 تاۋلىككە دەيىن قاماۋعا الۋ، قايتالانعان قۇقىق بۇزۋشىلىقتا 15 تاۋلىككە دەيىن قاماۋعا الۋ قاراستىرىلعان.
