الماتىدا ترامۆاي جولدان شىعىپ كەتتى

«الماتى ەلەكترو ترانس» ج ش س باسپا ءسوز قىزمەتىنەن حابارلاعانداي، 8- تامىزدا تۇستەن كەيىنگى ۋاقىتتا باعىتى بويىنشا كەلە جاتقان 4№ ترامۆايدىڭ قوزعالىسى اۋاداعى جەلىسىنەن اجىراپ قالۋ سەبەبىنەن توقتاتىلدى.

«اتالعان ترامۆاي دەپوعا جەتكىزىلۋ ءۇشىن تىركەۋگە الىندى. تولە ءبي كوشەسىمەن شىعىسقا قاراي باعىتتالىپ كەلە جاتقاندا روزىباكيەۆ كوشەسىنە جاقىنداپ قالعان تۇستا ساعات 15:34 شاماسىندا دوڭگەلەگى رەلستە جاتقان تاسقا تيگەن ترامۆاي جولدان شىعىپ كەتتى. تىركەۋگە الۋ ەرەجەلەرىنە سايكەس، ونداعى جولاۋشىلار ءتۇسىرىلىپ تاستالعان. وقيعادان زارداپ شەككەندەر مەن قۇربان بولعاندار جوق»، دەلىنگەن حابارلامادا.

اتالعان وقيعانىڭ ءمان-جايىن «الماتى ەلەكترو ترانس» ج ش س ارنايى كوميسسياسى انىقتاپ جاتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى