حالىقارالىق مۇسىلمان كينوسى فەستيۆالىنە قاتىستىرىلاتىن تۋىندىلار انىقتالدى

رەسەيلىك بەلگىلى كينوتانۋشى، كينو سىنشىسى سەرگەي لاۆرەنتيەۆتىڭ توراعالىعىمەن اتالعان كوميسسيا ءوتىنىم بەرۋ اياسىندا تىركەلگەن 700 گە جۋىق فيلمدى كورىپ شىعىپ، بايقاۋدىڭ شورت-پاراعىن ايقىندادى. 2015-جىلعى فەستيۆالدىڭ جۇلدەسىن يەلەنۋ ءۇشىن الەمنىڭ 25 ەلىنەن 50 فيلم باق سىناساتىن بولدى. ولاردىڭ ىشىندە ون-وننان تولىق مەتراجدى، قىسقا مەتراجدى، دەرەكتى تولىق مەتراجدى، دەرەكتى قىسقا مەتراجدى جانە انيماتسيالىق فيلمدەر بار.

نەگىزگى بايقاۋ اتالىمىندا مادەني ىقپالداستىق تاقىرىبىنا ارنالعان تۋىندىلار قارالادى. ونىڭ ىشىندە سادىق شەرنيازدىڭ «قۇرمانجان داتقا. تاۋ پاتشايىمى» (قىرعىزستان)، دەرۆيش زايمنىڭ «بالىق» (تۇركيا)، فاريد داۆلەتشيننىڭ «رۋدولف نۋرييەۆ. رۋديك» (رەسەي)، نوسير سايدوۆتىڭ «ۇستاز» (تاجىكستان)، شاحاۆان يدرەستىڭ «ءجۇزى كۇلگە مالىنعان» (يراك)، ا. ازگاريدىڭ «شەكاراسىز» (يران)، بيدجۋدىڭ «ەسىمدەرى بەيمالىم» (ءۇندىستان)، مانسۋر ۆاساتيدىڭ «قۇدىق» (وزبەكستان)، داريا پولتوراتسكايانىڭ «موسكۆابادتان قاشۋ» (رەسەي) جانە م. س. فارۋكيدىڭ «قۇمىرسقانىڭ حيكاياسى» (بانگلادەش) فيلمدەرى بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى