نۇرلى جول باعدارلاماسىن جۇزەگە اسىرۋعا كەيبىر ءىرى كاسىپورىنداردان بوساۋعا ءماجبۇر بولعان ادامداردى تارتۋ كەرەك - ەلباسى

 بۇل تۋرالى مەملەكەت باسشىسى نۇر وتان» پارتياسى ساياسي كەڭەسىنىڭ بيۋرو وتىرىسى بارىسىندا ءمالىم ەتتى، دەپ حابارلايدى اقوردانىڭ باسپا ءسوز قىزمەتى.

 «ءبىز قابىلداعان وسى جانە باسقا باعدارلامالار دەر كەزىندە جاسالعان، ونى ءتۇسىندىرۋ قاجەت. «نۇرلى جول» باعدارلاماسىن جۇزەگە اسىرۋعا كەيبىر ءىرى كاسىپورىنداردان بوساۋعا ءماجبۇر بولعان ادامداردى تارتۋ كەرەك. بۇل بارشا اكىمدەردىڭ مىندەتى، بۇعان قاجەتتى اقشا بولىنگەن، بارلىق جەردە اۆتوموبيل جولدارىن، اۋرۋحانا، مەكتەپ، باسپانا، ت ك ش نىساندارىن جوندەۋ جانە سالۋدى قامتيتىن جۇمىستار بارشىلىق» ، - دەپ اتاپ ءوتتى ەلباسى.

نۇرسۇلتان نازاربايەۆ پارتيانىڭ قوعامداعى بىرلىك پەن كەلىسىمدى ساقتاۋعا ىقپال ەتىپ، بارلىق تۋىندايتىن ماسەلەلەر بويىنشا حالىقپەن بەلسەندى جۇمىس ىستەۋى تيىستىگىنە نازار اۋداردى. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى