پارامەن ۇستالدى دەلىنگەن قارجى پوليتسياسى مەن احمەتوۆ ءىسىنىڭ اراسىنداعى بايلانىسقا تۇسىنىك بەرىلدى
«بيىل 6 -تامىزدا اقپاراتتىق 7news.kz پورتالىندا «سەرىك احمەتوۆتى ايىپتاعان قارجى پوليتسياسىنىڭ ءوزى پارامەن ۇستالدى» دەگەن ماقالا جاريالاندى، ول شىندىققا جاناسپايدى»، - دەلىنگەن حابارلامادا.
باسپا ءسوز قىزمەتىنىڭ مالىمەتىنشە، سولتۇستىك قازاقستان وبلىسى بويىنشا مەملەكەتتىك كىرىس دەپارتامەنتى جانىنداعى ەكونوميكالىق زەرتتەۋ، جەدەل ىزدەستىرۋ توبىنىڭ بۇرىنعى جەتەكشىسى كۇشىبايەۆقا قاتىستى قىلمىستىق ءىس 2015 -جىلى 1 -قاڭتاردا قىلمىستىق كودەكستىڭ 307-بابى 2-بولىگىمەن ۇ ق ك د مەن س ق و سىبايلاس جەمقورلىققا قارسى كۇرەس قىزمەتى بىرلەسىپ جۇرگىزگەن شارا ناتيجەسى بويىنشا لاۋازىمىن اسىرا پايدالاندى دەگەن دەرەكپەن قوزعالدى. بيىل 3 -ساۋىردە بۇل ءىس ايىپتاۋ اكتىسىمەن سوتقا جىبەرىلدى.
8 -ماۋسىمدا پەتروپاۆل قالالىق سوتىنىڭ ۇكىمىمەن كۇشىبايەۆ ق ر ق ك 307-بابى 2-بولىگى بويىنشا ەكى جىلعا سوتتالدى، سونىمەن قاتار، ول بەس جىلعا دەيىن مەملەكەتتىك قىزمەتكە ورنالاسۋ قۇقىعىنان ايىرىلدى.
"06.08.2015 -جىلى اقپاراتتىق اگەنتتىكتەردە تاراعان ءبىر اپتا بۇرىن كۇشىبايەۆ پارا الىپ ۇستالدى دەگەن اقپارات قاتە. سونىمەن قاتار، مىنانى ايتا كەتەيىك، بۇل قىزمەتكەر بۇرىنعى پرەمەر- ءمينيستردىڭ ىسىمەن اينالىسپاعان، سەبەبى قىلمىستىق ءىس ق ر اگەنتتىگىنىڭ ورتالىق اپپاراتىندا تەكسەرىلدى»، - دەلىنگەن حابارلامادا.
