استانادا ق. جاماليەۆكە جانە باسقا تۇلعالارعا قاتىستى اتى شۋلى ءىس بويىنشا سوت ۇكىمى شىقتى
«استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا ق ر ق ك- ءنىڭ 126- بابىنىڭ 2-بولىگىنىڭ 1,3- تارماقتارىمەن (ادامدار توبىنىڭ الدىن الا ءسوز بايلاسۋىمەن ومىرگە نەمەسە دەنساۋلىققا قاۋىپتى كۇش قولدانىپ باس بوستاندىعىنان زاڭسىز ايىرۋ)، 121- بابىنىڭ 2-بولىگىنىڭ 1-تارماعىمەن (الدىن الا ءسوز بايلاسۋ ارقىلى ادامدار توبى جاساعان جىنىستىق سيپاتتاداعى زورلىق-زومبىلىق ارەكەتتەرى)، 194- باپتىڭ 4-بولىگىنىڭ 2-تارماعىمەن (ادامدار توبىنىڭ الدىن الا ءسوز بايلاسۋىمەن كۇش قولدانۋ ارقىلى اسا ءىرى كولەمدە قورقىتىپ الۋشىلىق) قاراستىرىلعان قىلمىستاردى جاساعانى ءۇشىن ايىپتالعان ق. س. جاماليەۆكە، ا. ش. ابىلتايەۆقا قاتىستى، ق ر ق ك- ءنىڭ 194- باپتىڭ 4-بولىگىنىڭ 2-تارماعىمەن (ادامدار توبىنىڭ الدىن الا ءسوز بايلاسۋىمەن كۇش قولدانۋ ارقىلى اسا ءىرى كولەمدە قورقىتىپ الۋشىلىق) قاراستىرىلعان قىلمىستاردى جاساعانى ءۇشىن ايىپتالعان ا. ۆ. پريبىتكوۆقا قاتىستى قىلمىستىق ءىستىڭ قارالۋى اياقتالدى»، دەلىنگەن حابارلامادا.
سوت سوتقا بەرىلگەن دالەلدەمەلەردى زەرتتەپ، بارلىق سوتتالۋشىلاردى كورسەتىلگەن قىلمىستاردى جاساعاندارى ءۇشىن ايىپتى دەپ تانىدى. سوت ۇكىمىمەن قىلمىستىق قۇقىق بۇزۋشىلىقتاردىڭ جيىنتىعى بويىنشا ق. س. جاماليەۆكە وعان تيەسىلى بارلىق مۇلكىن تاركىلەي وتىرىپ، 13 جىلعا باس بوستاندىعىنان ايىرۋ تۇرىندەگى جازانى قاتاڭ تارتىپتەگى تۇزەتۋ كولونياسىندا وتەۋ تاعايىندالدى.
ا. ش. ابىلتايەۆقا وعان تيەسىلى بارلىق مۇلكىن تاركىلەي وتىرىپ، 12 جىلعا باس بوستاندىعىنان ايىرۋ تۇرىندەگى جازانى قاتاڭ تارتىپتەگى تۇزەتۋ كولونياسىندا وتەۋ تاعايىندالدى.
ا. ۆ. پريبىتكوۆقا قىلمىستىق قۇقىق بۇزۋشىلىقتاردىڭ جيىنتىعى بويىنشا وعان تيەسىلى بارلىق مۇلكىن تاركىلەي وتىرىپ، 8 جىلعا باس بوستاندىعىنان ايىرۋ تۇرىندەگى جازانى قاتاڭ تارتىپتەگى تۇزەتۋ كولونياسىندا وتەۋ تاعايىندالدى.
جازا ءتۇرى مەن ولشەمىن تاعايىنداۋ بارىسىندا سوتپەن كەلەسى ءمان-جايلار ەسكەرىلدى. سوتتالۋشىلارمەن اسا اۋىر قىلمىس ساناتىنا جاتاتىن ءبىرقاتار قىلمىستىق قۇقىق بۇزۋشىلىقتار جاسالعان، ونىڭ ءبىرى اسا ءىرى كولەمدە قورقىتىپ الۋشىلىق. ەكىنشى اۋىر قىلمىس ساناتىنا جاتاتىن قىلمىستىق قۇقىق بۇزۋشىلىق ءتۇرى - جىنىستىق سيپاتتاعى زورلىق-زومبىلىق ارەكەتتەر جاساۋ. سونىمەن بىرگە سوتپەن قىلمىستاردى جاساۋدا ق. س. جاماليەۆتىڭ باستاۋشى بولعاندىعى، ا. ش. ابىلتايەۆتىڭ بەلسەندى قاتىسۋشى بولعاندىعى ەسكەرىلدى.
ق. س. جاماليەۆ ءۇشىن جازا مەن جاۋاپتىلىقتى اۋىرلاتاتىن جاعداي رەتىندە سوت قىلمىستىق قۇقىق بۇزۋشىلىقتى الكوگولدى ماس كۇيىندە جاساعانىن تانىدى. بارلىق سوتتالۋشىلار ءۇشىن جەڭىلدەتۋشى جاعداي رەتىندە ولاردىڭ اسىراۋىندا كامەلەتتىك جاسقا تولماعان بالالاردىڭ بارىن تانىدى.
سوتتالۋشىلارعا قاتىستى ق ر ق ك- ءنىڭ 194- بابىنىڭ 4-بولىگىنىڭ 2-تارماعىنىڭ تالاپتارىنا سايكەس (قورقىتىپ الۋشىلىق)، مىندەتتى قولدانۋدى قاراستىراتىن مۇلكىن تاركىلەۋ قوسىمشا جازا ءتۇرى قولدانىلدى.
سوت ۇكىمى زاڭدى كۇشىنە ەنگەن جوق.
