ومىردەگى باستى قاعيدالار

ءبىراق بۇل ءسوزدىڭ ءمان-ماعىناسىنا تەرەڭىنەن ءۇڭىلىپ كورمەگەن شىعارمىز. جالت ەتىپ وتە شىعاتىن جارىق دۇنيە ادام بالاسىنا ءبىر-اق رەت بەرىلەدى. ونى ابىرويمەن وتكىزۋ ءبارىمىزدىڭ دە باستى ماقساتىمىز. سول سەبەپتى وسى ماقساتقا جەتۋ جولىندا نە ىستەۋ كەرەكتىگىن نازارلارىڭىزعا ۇسىنۋدى ءجون كورىپ وتىرمىز.

1. كۇلىمسىرەڭىز

ءسىز كۇلىمسىرەگەن سايىن ءسىزدىڭ اعزاڭىزدا ەموتسيونالدىق كۇيىڭىزدى جاقسارتاتىن ەندورفيندەر بولىنەدى. سونىمەن قاتار جىميىپ قانا كۇلۋ جۇيكە جۇيەڭىزدى دە تىنىشتاندىرادى. ال ول ءبىزدى ءارقاشان باقىتتى ەتەدى جانە دەنساۋلىعىمىزعا وتە پايدالى.

2. قايىرىمدى بولىڭىز

باسىم كوپشىلىگىمىز وسى كۇنگە جەتكەنىمىز ءۇشىن شۇكىر ايتۋدى ۇمىتىپ كەتىپ جاتامىز. ويلاپ قاراساڭىز، ايلىعى شايلىعىنا جەتپەي جاتقان جاندار قانشاما. سونداي تومەن ادامدارعا كومەك قولىن سوزۋدان باس تارتپاۋىڭىز كەرەك.

3. تازا اۋادا تىنىعىڭىز

ءتورت قابىرعادا قامالىپ وتىرا بەرگەنشە، دالاعا شىعىپ تازا اۋادا سەرۋەندەپ قايتىڭىز. ويتكەنى تازا اۋادا ميىڭىز تىنىعىپ، باسىڭىز دەمالادى. كوپتەگەن عالىم تازا اۋانىڭ شىعارماشىلىققا جاقسى ەكەنىن ايتادى.

4. ءوز-وزىڭىزگە قۇرمەتپەن قاراڭىز

ءوز-وزىڭىزگە ءارقاشان قۇرمەتپەن قاراڭىز. سەبەبى ءسىز وعان لايىقسىز. ۇيقىڭىزدى قاندىرىڭىز، قالاعان ىسىڭىزبەن شۇعىلدانىڭىز، سۇيىكتى رەستورانىڭىزعا بارىپ قايتىڭىز. وزىڭىزدەن ەشتەڭە دە اياماڭىز.

5. وسى شاقپەن ءومىر ءسۇرىڭىز

زىمىراپ ءوتىپ جاتقان ءار مينۋتىڭىزدى، ءتىپتى سەكۋندىڭىزدى باعالاي ءبىلىڭىز. ويتكەنى وتكەن شاق قايتىپ ورالمايدى، ال بولاشاققا باتىل قادام باستاۋ ءۇشىن ءدال قازىرگە ۋاقىتىڭىزدى ءتيىمدى ءارى ۇتىمدى پايدالانۋىڭىز كەرەك.

6. ءوز-ءوزىڭىزدى قورعاي ءبىلىڭىز

قورشاعان ورتاڭىزعا ءوزىڭىزدى رەنجىتۋگە بەرمەيتىنىڭىزدى كورسەتىڭىز، كەرەك بولسا دالەلدەڭىز. سوندا سىزگە ءبارىنىڭ دە كوزقاراسى وزگەرەدى.

7. ادال دوستار تابىڭىز

ءومىر بولعاسىن ادامداردىڭ ءتۇر-ءتۇرى كەزدەسىپ جاتادى. كەيدە بىرەۋلەر ادەيى اياقتان شالىپ جاتسا، ەندى بىرەۋلەرى ورتا جولدان تاستاپ كەتەدى. سوندىقتان جانىڭىزدى تۇسىنەتىن، قۋانعاندا دا، قايعىرعاندا دا قاسىڭىزدان تابىلاتىن ادال دوستار تابىڭىز.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى