ەۋروپا ليگاسىنىڭ پلەي-وفف كەزەڭىندەگى «قايراتتىڭ» قارسىلاستارى بەلگىلى بولادى

الماتىنىڭ «قايراتى» ءوز قارسىلاسىن بىلەتىن بولادى، دەپ جازدى Sports.kz.

قازاقستاندىق كوماندا «بورۋسسيا» (دورتمۋند، گەرمانيا)، «اياكس»، ا ز (ەكەۋى دە نيدەرلاندى)، «رۋبين»، «كراسنودار» (ەكەۋى دە رەسەي)، «زاريا» (ۋكراينا)، «رەد بۋلل» (اۆستريا)، «ۆيكتوريا» (چەحيا)، پاوك (گرەكيا)، «ستياۋا» (رۋمىنيا)، «يانگ بويز» (شۆەيتساريا)، «سپارتا» (چەحيا)، «فەنەرباحچە» (تۇركيا)، «ستاندارد» (بەلگيا)، «لەگيا» (پولشا)، «بوردو» (فرانسيا)، «پاناتينايكوس» (گرەكيا)، «لەح» (پولشا)، «سەنت-ەتەن» (فرانسيا)، «سلوۆان» (چەحيا)، «ساۋتگەمپتون» (انگليا) نەمەسە «بەلەنەنسەشپەن» (پورتۋگاليا) كەزدەسۋى مۇمكىن.

جەرەبە تاستاۋ استانا ۋاقىتىمەن ساعات 17:00 باستالادى. بۇل كەزەڭدەگى ماتچتار 20- جانە 27- تامىزدا وتەدى، جەڭىمپازدار ەۋروپا ليگاسىنىڭ توپتىق تۋرنيرىنە شىعادى.

سونداي-اق بۇگىن ۋ ە ف ا چەمپيوندار ليگاسىنىڭ پلەي-وفف كەزەڭىنىڭ دە جەرەبە تارتۋ ءراسىمى وتەدى. وندا «استانانىڭ» قارسىلاستارى انىقتالادى. تىزىمدە شۆەيتساريالىق «بازەل»، شوتلانديالىق «سەلتيك»، كيپرلىك اپوەل، بەلورۋسسيالىق باتە مەن حورۆاتيالىق «دينامو» زاگرەب بار. جەرەبە تاستاۋ ءراسىمى بۇگىن استانا ۋاقىتىمەن ساعات 16:00 دە وتەدى. پلەي-وففتىڭ ىرىكتەۋ كەزەڭىندەگى ماتچتارى 18-19- جانە 25-26- تامىزدا بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى