اينۇر تۇرسىنبايەۆا جاس كورىنۋدىڭ قۇپياسىمەن ءبولىستى - فوتو
ءوزىنىڭ وقىرماندارىمەن ءجيى-ءجيى سۋرەتتەرىمەن، قۇپيالارىمەن ءبولىسىپ تۇراتىن جۇلدىزداردىڭ ءبىرى ايتىسكەر اقىن اينۇر تۇرسىنبايەۆا. جاقىندا اقىن وقىرماندارىمەن ءوز ويىمەن ءبولىستى. ءوزىنىڭ ينستاگرام پاراقشاسىندا اقىن بىلاي دەپ جازبا قالدىرىپتى.
«ماعان ءبىر تانىسىم ايتاتىن ەدى. «تەلەفونمەن بىرەۋمەن ۇرىسىپ قالساڭ سول ادامنىڭ نومەرىن، جازعان حاتتارىن ءوشىرىپ تاستا، جامان نەگاتيۆ ساقتالىپ قالادى» دەپ... جالپى كەز كەلگەن زاتتىڭ ەنەرگياسى بار. كەلىسەسىزدەر عوي؟ مىسالى قورقىنىشتى ۆيدەونى كورسەڭىز كوپكە دەيىن قورقىپ جۇرەسىز. قان-جوسا بولعان سۋرەت كورسەڭىز نە بولسا سوعان شوشىپ، ەسىڭىزگە تەك جاماندىقتار ءتۇسىپ مازاڭىز قاشادى.
ياعني سۋرەتتىڭ اۋىر ەنەرگياسى سىزدە تۇر. كوپ ۋايىم، قورقىنىش كۇيزەلىسكە اكەلەدى. عالىمدار راكتىڭ شىعۋ سەبەبىن%70-80 كۇيزەلىستەن، اۋىر ەنەرگيا، دەنەدە نەگاتيۆتىڭ كوپ ساقتالۋىنان دەپ تاپقان ەكەن. تازالاۋدى ەڭ الدىمەن تەلەفوننان باستاڭىز! فوتو، ۆيدەونىڭ ىشىندە ەڭ كوڭىلدى، جاعىمدىسىن الىپ قالىڭىز. قانشا قيماساڭىز دا جۇرەكتى اۋىرتاتىن ەستەلىكتەردى ءوشىرىپ تاستاڭىز.
وتكەن ىسكە ورالا بەرمەڭىز، دىم پايداسى جوق! بەكەرگە جۇرەگىڭىزدى اۋىرتا بەرمەي ءوزىڭىزدى ساقتاڭىز. قينالىپ، ءابىرجىپ جۇرگەن ادامعا كەتىپ قالعان ادام ءبارىبىر قايتىپ كەلمەيدى. كەرىسىنشە جاسارىپ، جايناپ جۇرسەڭىز كوپ ادامدى وكىندىرەسىز. باقىتسىز ماحابباتتى باياندايتىن جىلاڭقى اندەردى ءوشىرىپ تاستاڭىز. اننەن دە جامان نەگاتيۆ تارالاتىنىن ۇمىتپاڭىز!
قۇران تىڭداڭىز، جۇرەگىڭىز تىنىشتالادى. ءان تىڭداعىڭىز كەلىپ شىداي الماي بارا جاتساڭىز وتان، تۋعان جەر تۋرالى پوزيتيۆتى اۋەندەردى جۇكتەپ الىڭىز... كەرەمەت ەنەرگيانىڭ قاينار كوزى - ءسابي، بالا! كەز كەلگەن بالانى قۇشاقتاپ سۇيۋدەن، ەركەلەتىپ ويناۋدان باس تارتپاڭىز. ەڭ باستىسى اللا تاعالا ادام بالاسىنا كوتەرە المايتىن سىناق بەرمەيدى، وسى ەسىڭىزدە بولسىن! كەز كەلگەن قيىندىقتان شىعۋ ءوز قولىڭىزدا. پوزيتيۆتى بولايىق دوستار! وسى سۋرەت ارقىلى جىلى ەنەرگيا الىڭىزدار... كۇن كوڭىلدى ءوتسىن!»
ءانشى مۇنداي وي-پىكىرلەرىمەن ءجيى ءبولىسىپ جاتادى. سوڭعى كەزدەرى جاسارىپ، جايناي تۇسكەن اقىننىڭ باستى ارتىقشىلىعى وسى ءبىر ويلارىندا شىعار. وقىرمانعا پايداسى ءتيسىن دەيمىز!
«الاش ايناسى»
