قايرات جاماليەۆ ءالىبي جۇماعۇلوۆتى سوققىعا جىققانىن مويىندادى

بۇل تۋرالى Today.kz كە سىلتەمە جاساپ NUR. KZ حابارلايدى.

ادامدى زاڭسىز بوستاندىعىنان ايىرۋ، بوپسالاۋشىلىق، سەكسۋالدى زورلىق كورسەتۋ دەگەن ايىپتاردى استانالىق كاسىپكەر جاماليەۆ قيسىنسىز سانايتىنىن العا تارتتى.

سوتتالۋشى ءالىبي جۇماعۇلوۆتى سوققىعا جىققانىن مويىندادى. جاماليەۆ مۇنداي ارەكەتكە ءالىبيدىڭ ءوزى مازاسىن الىپ، حابارلاسا بەرۋمەن يتەرمەلەگەنىن ايتىپ اقتالدى.

«مەن شىداي المادىم. ونىڭ ايەلىمە ءتىل تيگىزىپ، باسسىزدىق جاساعانىنا قاراپ تۇرا المادىم. اقىرى وعان دەنە جاراقاتتارىن سالدىم... مەن ونىڭ اكەسى بارىن بىلگەندە، بۇلاي سوققىعا جىقپاي-اق، اكەسىمەن سويلەسىپ، ماسەلەنى شەشەر ەدىم»، - دەيدى قايرات جاماليەۆ.

«وسى تەاتردىڭ بارىنە سەنىپ قالدىم. 45 جىل ومىرىمدە العاش رەت وسىلاي الدانىپ وتىرمىن... بۇل مەنىڭ بالالارىمنىڭ قايعىسى، جۇمىسىنان ايىرىلىپ جاتقان جۇزدەگەن ادامداردىڭ قايعىسى»، - دەپ جالعاستىردى جاماليەۆ.

ەسكە سالساق، اعىمداعى جىلدىڭ ساۋىرىندە ءالىبي جۇماعۇلوۆتى اياۋسىز سوققىعا جىققان قالتالى كاسىپكەر قايرات جاماليەۆتىڭ ارەكەتىن زارداپ شەگۋشىنىڭ اكەسى ەلگە جاريا ەتكەن بولاتىن.

بارلىق داۋ اينۇر يسينا ەسىمدى ايەلگە بولا باستالدى دەپ شىققان نۇرلان جۇماعۇلوۆ ۇلىنىڭ سوققىعا جىعىلعاننان كەيىنگى جانتۇرشىگەرلىك فوتوسىن جەلىگە جۇكتەگەن ەدى. فوتو جەلىدە تەز تارالىپ، سوڭىندا كاسىپكەر قاماۋعا الىندى.

ىسكە قاتىستى سوت شەشىمى 7- تامىزدا شىعارىلاتىن بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى