كۇيەۋىنەن اجىراسقان ايەل، بالاسىنا ءوزىنىڭ اكەسىنىڭ اتىن نەمەسە ءوزىنىڭ تەگىن بەرۋىنە بولا ما؟

اۋەلى قىز بولسىن، ۇل بولسىن اتىن ءوز تەگىمەن قويۋى شارت. قاسيەتتى قۇراندا: «اللانىڭ قۇزىرىندا ەڭ دۇرىس بولعانى ولاردى اكەلەرىنىڭ اتىمەن شاقىرۋ. ەگەر اكەلەرىن بىلمەسەڭدەر، وندا ولار سەندەردىڭ ءدىن باۋىرلارىڭ ءارى دوستارىڭ. ول جونىندە (اكەسىن بىلمەي) اعاتتىق وتكىزسەڭدەر، سەندەرگە ەشقانداي ايىپ جوق. ءبىراق (اكەسىن) بىلە تۇرا ادەيى ىستەگەن بولساڭدار (كۇنا بولادى). اللا اسا جارىلقاعىش، وتە مەيىرىمدى» [1] دەلىنگەن. دەمەك، بالانىڭ اكەسى انىق بولعان جاعدايدا، اناسىنىڭ تەگىن بەرۋ قۇران جانە سۇننەت ۇكىمىنە قايشى. دىندە تىيىم سالىنعان ءىس.

يسلام تاريحىندا يسا يبن ءماريام، يۋنۋس يبن ءماتا، ابدۋللا يبن ءۇباي يبن ءسالۋل (ءسالۋل اناسى) جانە مۇحامماد يبن ءال- حانافيا قاتارلى ادامدار انالارىنىڭ اتىمەن تانىلعاندارى كەزدەسەدى. سوندىقتان، بالانىڭ اكەسى تۇبەگەيلى قارسى بولىپ تۇرعان بولسا، اراداعى داۋ- جانجالدىڭ ۇدەمەۋىن ەسكەرە وتىرىپ بالاعا اناسىنىڭ تەگىن بەرۋگە بولادى. ءبىراق، جالپى حالىق اراسىندا بالانى ءوز اكەسىنىڭ اتىمەن شاقىرىپ، ەرجەتكەن شاعىندا ءبىلدىرۋ كەرەك. بالانىڭ ءوز تەگىن ءبىلۋى بولاشاقتا نەكەلەسۋ حارام بولعان جاقىندارىمەن ۇيلەنبەۋىنە ت. ب شاريعي امالداردى تولىق ورىنداۋىنا وڭ اسەر ەتەدى.

[1]احزاب، 5-ايات.

 ابدۋساماد وقان
mazhab.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى