رەسەيدەن قازاقستانعا تانكىنى زاڭسىز اكەتپەكشى بولعان
1945-جىلى شىعارىلعان ت-34-85 تانكىسىن رەسەيدەن قازاقستانعا زاڭسىز اكەتپەكشى بولعان. بۇل جايلى چەليابى وبلىسى ف ق ق باسقارماسى حابارلادى. ماشينانى «قارتالى» شەكارا پۋنكتىندەگى تەمىر جول قۇرامى پلاتفورماسىنان تاپقان.
«رەسەي اۋماعىنا ترانزيتپەن اكەلىنگەن تانكىنى رەسەيلىك-قازاقستاندىق شەكارادا تەمىر جول قۇرامىن تەكسەرۋ كەزىندە شەكارا ناريادى تاپقان»، - دەلىنگەن ف ق ق چەليابى وبلىسى بويىنشا باسقارماسىنىڭ حابارلاماسىندا.
ماشينانىڭ قارۋى ىستەن شىعارىلعان. ساراپشىلاردىڭ باعالاۋىنشا، تانكىنىڭ نارىقتىق قۇنى 2 ميلليون رۋبلگە جۋىق.
مادەني قۇندىلىقتى ۇرلاۋعا ارەكەت جاساۋ فاكتىسى بويىنشا قىلمىستىق ءىس قوزعالدى، دەپ حابارلادى ف ق ق. الايدا تانكىنىڭ يەسى انىقتالماي وتىر.
