قازاقستان مەن رەسەي «تانك بياتلونى» جارىسىندا كوش باستاپ كەلەدى - فوتو

قازىر كوماندالار تەڭبە-تەڭ كەلە جاتىر، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.

ولاردى بىرنەشە ۇپاي عانا ءبولىپ تۇر. ءبىرىنشى كەزەڭدە تانكىشىلەرىمىز ءبىرىنشى ورىندا بولعانىن ەستەرىڭىزگە سالايىق، ءبىزدىڭ كوماندامەن بىرگە ەكىنشى ورىنعا رەسەي تابان تىرەدى. «ءبىرىنشى ەكيپاجدار كەزەڭىنىڭ قورىتىندىسى بويىنشا قازاقستان ءبىرىنشى ورىن الدى، ەكىنشى ورىن رەسەي قۇراماسىنا بۇيىردى، ال ءۇشىنشى ورىنعا ارمەنيا تابان تىرەدى. ءار كەزەڭدە نە بولاتىنى بەلگىسىز، ناتيجەلەر، كوشباسشىلار مەن اۋتسايدەرلەر وزگەرۋى مۇمكىن. ەكيپاجدار اراسىنداعى كۇرەس قىزا تۇسۋدە، وسى ارميا ويىندارىندا ۇزدىك دەگەن اتاققا كۇرەسۋ ءۇشىن بارلىعى كۇش-جىگەرلەرىن سالۋدا»، - دەيدى حالىقارالىق ارميا ويىندارىنىڭ باس تورەشىسى گەنەرال-مايور دميتري گورباتەنكو.

بۇعان قاراماستان شەبەرلىكتىڭ جوعارى دەڭگەيىن كورسەتە وتىرىپ، كوماندامىز العا قاراي ىلگەرىلەپ كەلەدى. جارىستىڭ ءۇشىنشى ورنىندا ارمەنيا، ءتورتىنشى جانە بەسىنشى بولىپ ءۇندىستان جانە قىتاي، ءارى قاراي سەربيا، قىرعىزستان، كۋۆەيت، موڭعوليا، تاجىكستان، ۆەنەسۋەلا، انگولا جانە نيكاراگۋا. 13 قاتىسۋشى كوماندانىڭ ءارقايسىسى ەكى جەكە كەزەڭنەن ءوتتى.

بۇگىن جانە ەرتەڭ ءۇشىنشى كەزەڭ وتەدى. 6- تامىزدا «تانك بياتلونى» جارتىلاي فينالى مەن فينالدا باق سىناۋدى جالعاستىراتىن جەكە جارىستاردىڭ كوشباسشىلارى جانە سەگىز ۇزدىك كوماندانىڭ اتى اتالاتىن بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى