الماتىدا كەڭەس وداعىنىڭ ەكى مارتە باتىرى تالعات بيگەلدينوۆتى ەسكە الۋعا ارنالعان ميتينگ ءوتتى

وعان باتىردىڭ تۋعان-تۋىستارى، ۇلى وتان سوعىسىنىڭ ارداگەرلەرى، «گەنەرالدار كەڭەسى» رەسپۋبليكالىق قوعامدىق بىرلەستىگىنىڭ مۇشەلەرى، اسكەري وركەستر ، ق ر ق م راديوەلەكترونيكا اسكەري-ينجەنەرلىك ينستيتۋتىنىڭ كۋرسانتتارى قاتىستى.

«تالعات بيگەلدينوۆ قازاق حالقىنىڭ ماقتانىشپەن ەسكە الاتىن ۇلى ۇلدارىنىڭ ءبىرى. بارى- جوعى 23 جاسىندا كەڭەس وداعىنىڭ ەكى مارتە باتىرى اتاندى. مۇنداي اتاقتى ەكى رەت العان جالعىز قازاق. ونىڭ باتىرلىعى، وتانىنا دەگەن شەكسىز ماحابباتى مەن ادالدىعى، بۇكىل ومىرلىك جولى بۇگىنگى جاستارعا ۇلگى. بۇگىن، 5- تامىز - تالعات بيگەلدينوۆتىڭ تۋعان كۇنى. ءبىزدىڭ ماقساتىمىز - ەندى جىل سايىن ءداستۇرلى تۇردە ەلىمىزدىڭ بارلىق وڭىرلەرىندە باتىر اعامىزدى ەسكەۋ الۋ كۇنىن اتاپ ءوتۋ»، - دەدى ءوز سوزىندە «گەنەرالدار كەڭەسى» ر ق ب ءتوراعاسىنىڭ ورىنباسارى، گەنەرال-مايور ماحمۇت تولەعۇسوۆ.

ايتا كەتەلىك، بۇگىن وفيتسەرلەر ۇيىندە كەڭەس وداعىنىڭ ەكى مارتە باتىرى تالعات بيگەلدينوۆكە ارنالعان كورمە اشىلدى. وعان باتىردىڭ ءومىرىنىڭ ءار كەزەڭىندە تۇسكەن فوتوسۋرەتتەرى جانە وزىنە قاتىستى ارحيۆتىك قۇجاتتار، كىتاپتار، گازەت جانە جۋرنالدار قويىلدى.

ميتينگتەن سوڭ «گەنەرالدار كەڭەسىنىڭ» مۇشەلەرى مەن ۇلى وتان سوعىسىنىڭ ارداگەرلەرى ماڭگىلىك الاۋعا گۇل شوقتارىن قويدى.

تالعات بيگەلدينوۆ ۇلى وتان سوعىسى جىلدارىندا ءوزىنىڭ 13- ءنومىرلى ي ل-2 ۇشاعىمەن 305 رەت شابۋىلعا شىعىپ، كوك جۇزىندە 500 ساعات بولعان. بەرليندى تالقانداۋ وپەراتسياسىنا قاتىسقان. جاۋدىڭ 7 ۇشاعىن اتىپ تۇسىرگەن. فاشيستەر تالعات بيگەلدينوۆ مىنگەن ۇشاقتى «قارا اجال» دەپ اتاعان.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى