قازاق بوكسشىسى قارسىلاسىن ساناۋلى سەكۋندتا نوكاۋتقا جىبەردى
بەكمان سويلىبايەۆتىڭ كاسىپقوي بوكستاعى كەزەكتى جەكپە- جەگى كاليفورنيانىڭ چينو قالاسىندا ءوتتى. ول مەكسيكالىق قارسىلاسى سەرحيو ناحەردى گونگ بەلگىسىنەن كەيىن اۋىر سوققىنىڭ استىنا الىپ، ەسەنگىرەتىپ تاستادى. ناتيجەسىندە ونىڭ جويقىن جۇدىرىعىنا شىداس بەرمەگەن ناحەر 38 سەكۋندتا نوكاۋتقا ءتۇستى. ايتا كەتەيىك، بۇل بەكمان سويلىبايەۆ ءۇشىن كاسىبي بوكستاعى بەسىنشى جەكپە- جەگى. سونداي- اق، وتانداسىمىز مەرزىمىنەن بۇرىن اياقتالعان ءۇشىنشى جەڭىسكە قول جەتكىزىپ وتىر.
