ب ع م: گرانت يەگەرلەرى وسى اپتادا بەلگىلى بولادى

«بارلىق ناتيجەلەر ب ا ق بەتتەرىندە جاريالاناتىن بولادى. كوميسسيا وتىرىسى بىتىسىمەن، قاجەتتى اقپاراتتار مينيسترلىك سايتىندا جانە جەتەكشى اقپارات اگەنتتىكتەرىنىڭ جاڭالىقتار تاسپاسىنا شىعارىلادى. سونىمەن قاتار رەسپۋبليكالىق گازەتتەردە دە باسىلادى. كوميسسيا جۇمىسى قورىتىندىلانعاننان كەيىن، وسى اپتادا، ەكى كۇننەن سوڭ گرانت يەگەرلەرىن جاريالايتىن بولامىز»، - دەپ اتاپ ءوتتى ول.

سونىمەن قاتار مينيستر، گرانتتىڭ قۇنىنا قاتىستى دەرەكتەردى ايتىپ بەردى.

«ول جوعارى وقۋ ورنىنا بايلانىستى. مىسالى، بىزدە ۇلتتىق جوعارى وقۋ ورىندارىندا وقۋ اقىسى 600 مىڭ تەڭگە، باسقا ۋنيۆەرسيتەتتەردە 300 مىڭ تەڭگە كولەمىندە تۇرادى»، - دەيدى ا. ءسارىنجىپوۆ.

بۇنىڭ الدىندا حابارلاعانىمىزداي، مەملەكەت تاراپىنان ءبىز 32 مىڭ گرانت بولىنبەك. ونىڭ ىشىندە تەحنيكالىق ماماندىقتارعا - 12,5 مىڭ گرانت، پەداگوگيكالىق ماماندىقتارعا - 6 مىڭ گرانت، اۋىل شارۋاشىلىعى ماماندىقتارىنا 2,5 مىڭ گرانت قاراستىرىلىپ وتىر. بيىل كونكۋرسقا قاتىساتىن بالالاردىڭ سانى - 67 مىڭ. 32 مىڭ گرانتتىڭ ىشىندە 78 پايىزى قازاق بولىمدەرىنە، 22 پايىزى ورىس تىلى بولىمدەرىنە بەرىلەدى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى