دۇنيەجۇزىلىك ساۋدا ۇيىمىنا مۇشە مەملەكەتتەردىڭ بارلىعىنا ءبىر سالىقتىق جۇيە ەنگىزىلەدى
بۇل تۋرالى «الماتى» تەلەارناسى «ىسكەرلەر ۋاقىتى» باعدارلاماسىندا «سين- كاز» ج ش س ءبولىم باسشىسى ەرلان ماقاتاي مالىمدەدى.
«دۇنيەجۇزىلىك ساۋدا ۇيىمىنىڭ ءوزىنىڭ مۇشەلەرىنە قوياتىن نەگىزگى تالاپتارى بار. وزىمىزدەگى وندىرۋشىلەردى شەكتەن تىس قولداۋعا، قارجىلاندىرۋعا بولمايدى. سونىمەن قاتار، وتاندىق ءوندىرۋشى مەن شەتەلدەن كەلەتىن ءوزىمىزدىڭ بيزنەس نارىعىنداعى جاڭا ويىنشىلاردىڭ بارلىعىنىڭ پايىزدىق نەسيە الۋداعى سالىق تولەۋلەرى بىردەي بولادى»، - دەدى ەرلان ماقاتاي.
ونىڭ ايتۋىنشا، قاراپايىم قارا حالىق د س ۇ كىردىك دەپ قۋانىپ جۇرسە، وتاندىق كاسىپكەرلەر ابدىراپ وتىر.
«ءبىز 19 جىلدىڭ ىشىندە بۇل نارسەنى نەگە دامىتپادىق، تىرىسپادىق دەگەن سۇراق ويدى قاتتى مازالايدى. ويتكەنى ءبىزدىڭ كاسىپكەرلەر، وندىرۋشىلەر ابدەن ابدىراپ قالعان سياقتى. قازىرگى تاڭدا، قاراپايىم حالىق دۇنيەجۇزىلىك ساۋدا ۇيىمىنا قوسىلدىق، جاڭا كولىك الامىز دەپ قۋانىپ ءجۇر. الايدا، وتاندىق كاسىپكەرلەر ابدىراپ وتىر»، - دەدى «سين- كاز» ج ش س ءبولىم باسشىسى.
