پاۆلوداردا قىزدى ورتتەن قۇتقارىپ، كوزىنەن ايىرىلعان جىگىتتىڭ كورۋ قابىلەتى قالپىنا كەلدى
اقپارات قۇرالىنىڭ مالىمەتىنشە، جىگىتتىڭ كورۋ قابىلەتىن قالىپقا كەلتىرگەن - الماتىلىق دارىگەرلەر. وعان العاشقى مەديتسينالىق كومەكتى پاۆلودارلىق وفتالمولوگ ماماندار كورسەتتى. الايدا جاراقاتىنىڭ اۋىرلىعىنا بايلانىستى كيريللعا جوعارى مامانداندىرىلعان وفتالمولوگ دارىگەردىڭ كومەگى قاجەت بولعان.
«مۇنداي كومەكتى قازاق عىلىمي زەرتتەۋ ينسيتۋتى (قاز ع ز ي) كۆوتا بويىنشا تەگىن جاساۋعا ۇسىنىس بىلدىرگەنىمەن، پاۆلودارلىق ازامات نوۆوسىبىردە وتا جاساتۋدى ءجون كوردى. ءبىراق جاراقاتىنا بايلانىستى جۇمىسىنان ايىرىلعان كيريللدىڭ مۇنداي قىزمەت ءتۇرىن الۋ ءۇشىن قاراجاتى بولمادى. ونىڭ تاعدىرىنا بەي- جاي قاراماعان جانداردىڭ قولداۋىمەن الەۋمەتتىك جەلى ارقىلى ەمدەۋگە قاجەت سوما جينالدى»، - دەلىنگەن جاريالانىمدا.
ايتا كەتەيىك، نوۆو ءسىبىر وفتالمولوگتارى ونى تەكسەرگەننەن كەيىن كورۋ قابىلەتىن قالىپقا كەلتىرۋ ەكىتالاي ەكەنىن ايتقان، وسىدان كەيىن كيريلل ءوز وتانىندا ەمدەلۋدى ءجون كورگەن. قاز ع ز ي- دا جاسالعان كۇردەلى وتانىڭ ناتيجەسىندە ءبىرىنشى تاۋلىكتەن كەيىن كيريلل كورۋ مۇمكىندىگىنە يە بولا باستادى.
ەسكە سالا كەتەيىك، بۇعان دەيىن پاۆلوداردا بويجەتكەندى ورتتەن قۇتقارعان جىگىتتىڭ كوزىنەن ايىرىلعانى حابارلانعان بولاتىن. پاۆلودار قالاسىنىڭ 32 جاستاعى تۇرعىنى كيريلل تەرەشكو ءورت كەزىندە ادام قۇتقارىپ، ەرلىك جاساعان. وقىس جاعداي پاۆلودار قالاسىنىڭ جەكەمەنشىك سەكتورىندا بولىپتى. «ءورت كەزىندە تەرەزە قيراپ، شىنىنىڭ سىنىعى كوزىمە كىرىپ كەتتى. سالدارىنان وڭ كوزىم كورمەي قالدى»، - دەيدى تەرەشكو.
