قازاقستاندا كەلىندەرگە ارنالعان الەۋمەتتىك جەلى پايدا بولادى

جاڭا سايتتى جاساۋشى - نازاربايەۆ ۋنيۆەرسيتەتىنىڭ ستۋدەنتى ديدارا پەرنەبايەۆا. «Kelin دەپ اتالاتىن جەلى ءتورت فۋنكسيادان تۇرادى: تەستتەر، تاعام تۇرلەرى، سوزدىك جانە قۇپيالار. تەستتە سالت- داستۇرگە قاتىستى 13 سۇراق بار، سول سۇراقتارعا جاۋاپ بەرۋ ارقىلى كەلىندەر ءوزىنىڭ قانداي كەلىن ەكەندىگىن انىقتايدى. ەكىنشى ءبولىم ۇلتتىق تاعامدارعا ارنالعان، ولاردى قالاي دايىنداۋ كەرەكتىگى جازىلعان» دەيدى د. پەرنەبايەۆا.

الەۋمەتتىك جەلىنىڭ ءانونيمدى بولۋى دا بەكەر ەمەس دەيدى ول. «قازاقستاننىڭ ءار ايماعىنداعى كەلىندەر ەنەسىنە قالاي ۇناۋ كەرەكتىگىن ءوزارا ءبولىسۋ ءۇشىن، قۇپيا ايتۋ ءۇشىن انونيمدى بولعانى دۇرىس دەپ شەشتىك» دەيدى ول.

ونەرتاپقىشتىڭ ايتۋىنشا، اتالعان جەلى ءموبيلدى اپپاراتتارعا ارنالعان قوسىمشا رەتىندە جاسالعان جانە وسى اپتا App Store موبيلدى دۇكەنىندە پايدا بولادى.

«تۇرمىسقا شىعىپ جاتقان قىزداردىڭ كوپشىلىگى جاڭا وتباسىعا بەيىمدەلە الماي جاتادى. ءاربىر ءۇشىنشى جۇپ ەلىمىزدە اجىراسىپ جاتادى ەكەن. سوندىقتان وسىنداي جوبا جاساۋ يدەياسى تۋىندادى» دەپ اتاپ ءوتتى ديدارا پەرنەبەكوۆا.

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى