قىز كۇندەلىگىنەن: ىستىق قۇشاق
جۇرەگىم دە قاتتى سوعىپ، ەكى بەتىم بىردەن ىسىپ كەتتى. «قىزارىپ كەتتىم بە ەكەن» دەگەن وي سانامدا جاڭعىرىپ جاتىر. قيمىلسىز قالدىڭ. جانارىمدى جەردەن كوتەرىپ، وزىڭە قاراي الار ەمەسپىن. بۇل - ۇيالۋ ەمەس، ۇياڭدىق پا ەكەن؟! الدە سەنىڭ الدىڭداعى ءوزىم بايقاماعان ەركەلىگىم بە؟
جوق، بۇل - جۇرەكتەرىمىزدىڭ تىلدەسۋى بولار. ەستيمىسىڭ، جۇرەگىم ءبىر سەكۋندتىڭ ىشىندە قانشا سىرىن ايتىپ ۇلگەردى. بىرنەشە سەكۋندتار بويى ءۇنسىز ۇعىسۋدى بولە جارىپ، جالت قارادىم.
كۇلىمدەپ تۇرعان كوزىڭنىڭ تۇڭعيىعىنا باتىپ كەتەر مە ەكەنمىن؟! جاقىننان جۇزىڭە تاعى دا كوز توقتاتتىم. ەرنىڭنەن سۇيگىم كەلىپ تۇرسا دا، ءوزىمدى تەجەپ-اق تۇرمىن. ءوز ويىمنان ۇيالىپ كەتتىم دە، جانارىمدى تومەن قاراتتىم...
جۇرەگىم جۇرەگىڭە قالاۋىن قىسىلماي ايتتى ما ەكەن، مەنى بىردەن قۇشاقتاي الدىڭ. يىسىڭە باسىم اينالىپ بارادى. قۇلاعىمنىڭ تۇبىنەن شىققان دەمىڭ دەنەمدى ءدىر ەتكىزدى. ەرىنىڭ ەرىنىمدى وپكەندە، ەرىپ كەتەردەي كۇي كەشتىم. ىستىق قۇشاق... ىستىق ءسۇيىس... مەن ءوزىڭدى وتە قاتتى ساعىنىپپىن...
«عاشىقتار كۇنى»... داۋ تۋعىزاتىن كۇن. وسى كۇننىڭ ءبىرىنشى مينۋتىن بىرگە قارسى العانىمىزدى جاقسى ىرىمعا بالادىم. مەن ءۇشىن جىلدىڭ 365 كۇنى - تۇگەلدەي «عاشىقتار كۇنى!» سەنى سۇيەتىن ءاربىر سەكۋندىم - مەرەكە!
massaget.kz
