كۇيزەلىستەن قۇتىلۋدىڭ وڭاي ءارى ءتيىمدى جولدارى

 وسىنداي كەزدەردە ومىردەن ءتۇڭىلىپ، ءتۇرلى ءىس- ارەكەتكە باراتىن ادامدار دا از ەمەس. سوندىقتان ءبىز بۇل جازبامىزدا كۇيزەلىستەن قۇتىلۋدىڭ قاراپايىم، وڭاي ءارى ءتيىمدى جولدارىن اتاپ وتكىمىز كەلىپ وتىر.

1. تاراق. كۇنى بويى مونيتوردىڭ الدىندا وتىرساڭىز، بۇلشىق ەتىڭىزدىڭ ءبارى شارشاپ، باسىڭىز اۋىرا باستايدى. مۇنداي كەزدە 10-15 مينۋت شاشىڭىزدى تاراعانىڭىز دۇرىس. سەبەبى شاشىڭىزدى تاراۋ ارقىلى دەنەڭىزگە قان تاراتىپ، بۇلشىق ەتىڭىزدى بوساڭسىتاسىز.

2. بالىق نەمەسە بانان مەن بالمۇزداق جەڭىز. كەرەمەت كوڭىل- كۇيىڭىزدى ساقتاپ، كۇيزەلىستەن ارىلۋعا مايلى بالىق كومەكتەسەدى. ويتكەنى ونىڭ قۇرامىندا جۇيكە جۇيەسىنە وتە پايدالى ومەگا-3 قىشقىلى بار. ال ەگەر بالىق جەي المايتىن بولساڭىز، بانان نەمەسە بالمۇزداق جەڭىز. ولار دا بالىقتان كەم اسەر ەتپەيدى.

3. تازالىق ساقتاڭىز. كيىمدەرىڭىزدى ورىن- ورنىنا سالۋ ارقىلى ءوز- ءوزىڭىزدى دە رەتتەپ الاسىز. سەبەبى تاپ- تازا بولمە، تياناقتى جيناۋلى شكاف، سورە ءسىزدىڭ پسيحولوگياڭىزعا مول اسەر ەتەدى.

4. دۋشقا ءتۇسىڭىز. كەلەڭسىزدىكتەردەن قۇتىلۋ ءۇشىن 15 مينۋتتىق دۋشقا تۇسۋگە دە بولادى. باسىڭىزداعى بارلىق كەرەك ەمەس زاتتى جىلى سۋدىڭ قالاي شايىپ الىپ كەتەتىنىن بايقاماي قالاسىز.

5. الاقانىڭىزدى ءبىر- بىرىنە ۇيكەڭىز. بۇل دا كۇيزەلىستەن قۇتىلۋدىڭ قاراپايىم جولى. ابدەن ىستىق بولعانشا بار كۇشىڭىزبەن الاقانىڭىزدى ءبىر- بىرىنە ۇيكەڭىز. سونىمەن قاتار قۇلاعىڭىزدى دا ىسقىلاعان پايدالى. سوندا ءسىز ەسىڭىزدى جيىپ، جۇمىسقا كىرىسە الاسىز.

6. بوياۋلار. پسيحولوگ ماماندار سۋرەتتەردى بوياۋ بارىسىندا كوڭىلسىزدىكتى مۇلدە ۇمىتىپ كەتۋگە بولاتىنىن ايتادى. سونىمەن قاتار تەك قانا كۇيزەلىستەن قۇتىلىپ قويماي، ءبىر ۇزدىك تۋىندى جاساۋىڭىز مۇمكىن.

 7. بيلەڭىز. مىندەتتى تۇردە بولمەڭىزدى باسىڭىزعا كوتەرىپ بيلەڭىز. سەبەبى كوڭىلىڭىز قالاعان اۋەزدى اندەر مەن ىرعاقتى قيمىلدار كۇيزەلىستەن ارىلۋعا كومەكتەسەدى. فيتنەس- كلۋبتارداعى جاتتىعۋلارعا قاراعاندا ءبي بيلەۋ وڭاي ءارى ءتيىمدى.

massaget.kz 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى