سۋ سپورتى: بار ءۇمىت كۇتكەن بالاندين جۇلدەسىز قالدى

ازىرگە قازاقستان قۇراماسىنىڭ قورجىنىندا بىردە-ءبىر مەدال جوق.

قازاقستاندىق جانكۇيەرلەردىڭ بار ءۇمىتى دميتري بالاندين ەدى. وكىنىشكە قاراي جۇلدەلى ورىنعا سىنىق سۇيەم جەتپەي قالدى. وتانداسىمىز 100 مەتر قاشىقتىقتى 59,42 سەكۋندتا باعىندىرىپ، ءتورتىنشى ورىنعا تۇراقتادى. باس جۇلدەنى بريتانيالىق ادام پيتي (58,52 س) يەلەنسە، ەكىنشى ورىندى وڭتۇستىك افريكالىق كەمەرون ۆان دەر بۋرگ (58,59 س) جەڭىپ الدى. ال ۇزدىك ۇشتىكتى تاعى ءبىر بريتانيالىق سپورتشى روسس مەردوك (59,09 س) تۇيىندەدى.

كەشەگى، ياعني تامىزدىڭ 3- كۇنگى جالپى ەسەپ بويىنشا قىتاي قۇراماسى كوش باستاپ كەلەدى. ولاردىڭ ەنشىسىندە قازىرگە دەيىن 11 التىن، 9 كۇمىس، 4 قولا مەدال بار. ەكىنشى ورىندا جارىس قوجايىندارى تۇر. ولاردىڭ قورجىنىندا ازىرگە 8 التىن، 4 كۇمىس، 1 قولا مەدال. ال ۇزدىك ۇشتىكتى 4 التىن 3 كۇمىس، 2 قولا مەدال ولجالاعان ا ق ش كومانداسى قورىتىندىلاپ تۇر.

ەستەرىڭىزگە سالا كەتەيىك، قازانداعى الەم چەمپيوناتى 9- تامىزعا دەيىن جالعاسادى. جارىسقا الەمنىڭ 190 ەلىنەن 2400 گە جۋىق سپورتشى قاتىسۋدا.

كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى