الماتىدا سەل سالدارىنان قازا تاپقاندار تۋرالى جالعان اقپارات تاراتۋشى ۇستالدى
الەۋمەتتىك جەلىلەردىڭ كومەگىمەن سەل قالدىقتارىن تازالاۋ كەزىندە قازا تاپقان 4 ادامنىڭ تابىلعانى تۋرالى كورىنەۋ جالعان اقپاراتتى تاراتۋشى الماتىنىڭ 25 جاستاعى تۇرعىنى بولىپ شىقتى.
«ىشكى ىستەر دەپارتامەنتى اتالعان فاكتىمەن ق ر ق ك- ءنىڭ 274-بابىنىڭ 2-بولىگىمەن (اقپاراتتىق-كوممۋنيكاتسيالىق جەلىلەردى پايدالانۋ ارقىلى كورىنەۋ جالعان اقپاراتتى تاراتۋ) قاراستىرىلعان قىلمىس بەلگىلەرى بويىنشا سوت الدىنداعى تەرگەۋىن جۇرگىزدى. جەدەل-تەرگەۋ شارالارىنىڭ بارىسىندا شىندىققا جاناسپايتىن مالىمەتتەردىڭ اۆتورى انىقتالىپ، ول ۇستالدى. اتالعان فاكتىمەن تەرگەۋ امالدارى جالعاستىرىلىپ جاتىر»، - دەپ حابارلادى باسپا ءسوز قىزمەتىنەن.
