وتكەن ايدا ازىق-تۇلىك ونىمدەرىنىڭ باعاسىندا ءبىرشاما وزگەرىستەر بولدى

بۇل تۋرالى ق ر ۇلتتىق ەكونوميكا مينيسترلىگىنىڭ باسپا ءسوز قىزمەتىنەن حابارلاندى.

اتاپ ايتقاندا، ەسەپتى كەزەڭدە باعا جارمالارعا 19,9 پايىز، الكوگولدى ىشىمدىكتەرگە - 8,2 پايىز، كوفە، شاي جانە كاكاوعا - 7,6 پايىز، توقاش جانە ۇن ونىمدەرىنە - 6,9 پايىزعا، كونديتەرلىك ونىمدەرگە - 6,8 پايىزعا وسكەن.

«سونىمەن بىرگە، ۇنعا، بالىق جانە تەڭىز ونىمدەرىنە - 6,4 پايىزدان، نانعا - 6,1 پايىز، ماكارون ونىمدەرىنە - 4,5 پايىز، ءسۇت ونىمدەرىنە - 4,3 پايىزعا ارتتى. ال باعانىڭ تومەندەۋى قانتقا 11,1 پايىز، ماي جانە توڭ مايعا - 1,2 پايىز، جەمىستەر مەن كوكونىستەرگە - 0,9 پايىزعا بايقالدى.

اتالعان كەزەڭدە ەت جانە ەت ونىمدەرى باعاسىنىڭ ءوسىمى 1,8 پايىزدى قۇرادى. شۇجىق ونىمدەرىنە باعا دەڭگەيى 6,7, شوشقا ەتىنە - 5,5, قۇس ەتىنە - 1,2 پايىزعا جوعارى بولسا، قوي ەتىنە - 0,7 پايىزعا تومەندەگەن»، دەلىنگەن باسپا ءسوز بايانىندا.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى