جامبىل وبلىسىندا كاسىپكەرلەردىڭ وتباسىنا شابۋىل جاسادى دەگەن كۇدىكپەن ءۇش ادام ۇستالدى
«قولدارىنا تراۆماتيكالىق جانە سۋىق قارۋدى ۇستاپ كاسىپكەرلەردىڭ وتباسىنا شابۋىل جاساعان قىلمىستىق توپتىڭ ءۇش مۇشەسى ۇستالدى. شابۋىل سالدارىنان 72 جاستاعى ءۇي يەسىنىڭ اياعىنا وق اتىلىپ، ول كوپتەگەن دەنە جاراقاتتارىن العان. قاسكۇنەمدەر جابىرلەنۋشىلەردەن 200 مىڭ تەڭگە سوماسىنداعى اقشالاي قاراجات پەن التىن بۇيىمدارىن الىپ كەتكەن»، - دەلىنگەن قۇقىق قورعاۋ ۆەدومستۆوسىنىڭ رەسمي حابارلاماسىندا.
ۇستالعاندار - تاراز جانە بايزاق اۋدانىنىڭ 25 پەن 35 جاس ارالىعىنداعى تۇرعىندارى تەرگەۋ اباقتىسىنا قامالدى. ولاردىڭ وسىعان ۇقساس قىلمىستارعا قاتىستىلىعى انىقتالۋ ۇستىندە.
اتالعان فاكتىمەن ق ر ق ك- نىڭ 192-بابىنىڭ 2-ءبولىمى بويىنشا قىلمىستىق ءىس قوزعالدى، دەپ حابارلايدى ۆەدومستۆودان.
