قازاق ءتىلى اقپاراتتىق تەحنولوگيا سالاسىنا قانشالىقتى بەيىمدەلگەن
ءىس- شارانى «دەگدار» قوعامدىق كەلىسىمدى قولداۋ قورى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق- ساياسي جۇمىس كوميتەتىمەن بىرلەسە ۇيىمداستىرعان بولاتىن.
دوڭگەلەك ۇستەلدە مەملەكەتتىك ءتىلدىڭ اقپاراتتىق- كومۋنيكاتسيالىق تەحنولوگياعا بەيىمدىلىگى تالقىلاندى. سونىمەن قاتار، قازاق ءتىلىن دامىتۋعا ۇلەس قوسىپ جاتقان ءارتۇرلى جوبالارعا تالداۋ جاسالىپ، قازاقستاننىڭ ينتەرنەت كەڭىستىگىندە جۇمىس ىستەيتىن سايتتاردىڭ سانىنا، ساپاسىنا، كونتەنتىنە مونيتورينگ جاسالدى. ولاردىڭ قانشاسى قازاق تىلىندە اقپارات تاراتاتىنىنا جانە سايتتاردىڭ مازمۇندارىنا تالداۋ جۇرگىزىلدى.
شاراعا مادەنيەت جانە سپورت مينيسترلىگى تىلدەردى دامىتۋ جانە قوعامدىق- ساياسي جۇمىس كوميتەتىنىڭ ءتوراعا ورىنباسارى ەربول نۇرعاليەۆ قاتىسىپ ءتىل جاناشىرلارىنىڭ جانە ۇ ە ۇ وكىلدەرىنىڭ مەملەكەتتىك ءتىلدى دامىتۋعا بايلانىستى ۇسىنىستارىن تىڭدادى.
«قازكونتەنت» ا ق ينتەرنەت جوبالارى بويىنشا باسقارۋشى ديرەكتورى جاندوس شولاقوۆ قازىرگى كەزدە «قازكونتەنت» ا ق قازاق ءتىلىن دامىتۋعا، قازاق ءتىلدى كونتەنتتى مولايتۋعا بايلانىستى جوبالارىمەن ءبولىستى. ونىڭ ايتۋىنشا Baq.kz اقپارات اگەنتتىگى قازاقستاندا تەك قازاق تىلىندە اقپارات تاراتاتىن اگەنتتىك رەتىندە تانىلعان. ءارى Baq.kz بولاشاقتا قازاق ءتىلدى كونتەنتتى كوبەيتۋگە بايلانىستى مۇمكىندىكتەرى زور ەكەندىگىن ايتىپ ءوتتى.
سونداي-اق، مەملەكەتتىك ءتىلدى دامىتۋ قورىنىڭ وكىلدەرى قوردىڭ جۇمىستارىمەن تانىستىردى. ولاردىڭ ايتۋىنشا، قازاق ءتىلىن ۇيرەنۋ ءۇشىن www.soyle.kz پورتالىنا 25 مىڭعا جۋىق ادام كىرەدى. وسى كۇنگە دەيىن 400 مىڭعا جۋىق ادام پورتالدىڭ قىزمەتىن پايدالانعان.
«مىنبەر» جۋرناليستەردى قولداۋ قورىنىڭ جەتەكشىسى ەسەنگۇل كاپ قىزى دا دوڭگەلەك ۇستەلدە ارنايى پرەزەنتاتسيا جاساپ، بۇگىنگى ينتەرنەت سالاسىنداعى باستى پروبلەما - قازاق ءتىلدى سايتتاردىڭ كوپي- پاست ءتاسىلىن كوپ قولداناتىندىعىندا ەكەندىگىن ايتتى.
ەكىنشىدەن، قازاق سايتتارى كوبىنەسە اقپارات بەرگەندە الەۋمەتتىك جەلىدەگى مالىمەتتەرگە سۇيەنەدى، ءبىراق ولاردىڭ شىنايىلىعىنا ءمان بەرمەيدى. ۇشىنشىدەن، قازاق سايتتارى وزدەرىندەگى مالىمەتتىڭ ساپاسىنا ەمەس، سانىنىڭ كوپ بولعانىن، مۇمكىن بولسا ارزان ماتەريالدارمەن اۋديتوريا جيناۋدى ماقسات ەتەتىنىن دە نازاردان تىس قالدىرمادى.
بۇدان بولەك شاراعا، بەلگىلى ءتىل جاناشىرلارى سەرىك ەرعالي مەن مەديتسينا عىلىمدارىنىڭ دوكتورى، پروفەسسور مۇحامبەديا احمەتوۆ، ارعىماق. ك ز سايتىنىڭ رەداكتورى ەرجان جاۋباي قاتىستى. ولار تىلدەردى دامىتۋ جانە قوعامدىق- ساياسي جۇمىس كوميتەتىنىڭ ءتوراعا ورىنباسارى ە. نۇرعاليەۆكە وزەكتى ۇسىنىستارىن جەتكىزدى.
«دەگدار» قوعامدىق كەلىسىمدى قولداۋ قورى قازاقستانداعى ينتەرنەت- رەسۋرستاردى تالداۋ جانە مونيتورينگىلەۋ ناتيجەسى بويىنشا جۇمىستارىن باياندادى.
وتىرىس سوڭىندا «ءتىل- اۋديت» سايتىنىڭ تانىستىرىلىمى بولدى. شاراعا جينالعان بارلىق مينيسترلىكتەردىڭ وكىلدەرىنە سايتتىڭ ماقساتى مەن مىندەتىن ءتۇسىندىردى. ەندىگى جەردە مەملەكەتتىك ورگاندار مەن ۇلتتىق كومپانيالار سايتتارىنداعى قازاق ءتىلدى كونتەنتتىڭ جۇمىسىن قاداعالاۋعا الۋ كەرەكتىگى جونىندە كەلىسىم جاساپ تاراستى.
Baq.kz
