بىرىككەن ۇلتتار ۇيىمى اشتىقپەن جانە كەدەيلىكپەن كۇرەستىڭ جاھاندىق ماقساتتارىن كەلىستى

جەكسەنبى كۇنى كەشكە، 2- تامىزدا ب ۇ ۇ- عا مۇشە 193 مەملەكەت «الەمدى وزگەرتۋ: 2030-جىلعا دەيىنگى ورنىقتى دامۋدىڭ كۇن ءتارتىبى» اتتى ءىس-قيمىل جوسپارىن جاريالادى.

«بۇل شىنىمەن دە تاريحي ءسات»، - دەپ مالىمدەدى كەلىسسوز ۇدەرىسىنىڭ تەڭ ءتوراعاسى، ب ۇ ۇ جانىنداعى كەنيانىڭ تۇراقتى وكىلى ماچاريا كاماۋ.

قۇجاتتا 15 جىلعا ورنىقتى دامۋدىڭ 17 ماقساتى كوزدەلگەن. ولاردىڭ ءبىرىنشىسى «كەدەيلىكتى ءتۇپ تامىرىمەن جويۋدى» قاراستىرادى. عالامشاردا كەدەيلەردىڭ باسىم بولىگى افريكا مەن ازيا ەلدەرىندە تۇرادى. سونداي-اق، ب ۇ ۇ ءىس-قيمىل جوسپارى اشتىقتى جويۋدى، بىلىمگە، دەنساۋلىق ساقتاۋعا قولجەتىمدىلىكتى قامتاماسىز ەتۋدى، جىنىستار تەڭدىگى، ورنىقتى ەكونوميكالىق ءوسىمدى، جاھاندىق جىلىنۋعا قارسى شۇعىل شارالاردى ىسكە اسىرۋدى قامتيدى.

قۇجات نيۋ-يوركتە 2015-جىلعى قىركۇيەكتە ۇيىم ساميتىندە قابىلدانادى دەپ كۇتىلۋدە. ب ۇ ۇ باعالاۋىنشا، الداعى 15 جىل ىشىندە قويىلعان ماقساتتاردى ىسكە اسىرۋعا جىل سايىن 3,3 تەن 4,5 ميلليارد دوللارعا دەيىن قاراجات قاجەت، دەپ اتاپ وتەدى AFP اگەنتتىگى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى