ءانشى قايرات نۇرتاستىڭ اق كوستيۋمى ءباس ساۋداعا قويىلدى

 وسىدان ەكى اپتا بۇرىن ءانشىنىڭ كوستيۋمى عالامتور ارقىلى ساتىلىمعا شىققان بولاتىن. تەگىن يەمدەنگەن ايدوس ساندىبايەۆ قىمبات تۇيمەلەرىمەن بەزەندىرىلگەن اق ءتۇستى ساحنالىق كيىمىن 560 مىڭ تەڭگەگە باعالاپتى. بۇگىندە، جۇلدىزدىڭ ۇستىنە ىلگەن كيىمىن ساتىپ الۋعا قىزىعۋشىلىق تانىتقاندار سانى كوپ، ءبىراق كوپشىلىگى باعاسىن ارزانداتۋدى سۇراپ وتىرعان كورىنەدى. ءتىپتى، Audi كولىگىن ۇسىنعاندار دا بار ەكەن. الايدا، جالدامالى پاتەردە تۇراتىن ءارى ەكى بالانىڭ اكەسى ايدوس ونى ارزانعا ساتقىسى جوق.

 ايدوس جۇلدىزدىڭ كيىمىن سەمەيدە وتكەن كونسەرت بارىسىندا قاعىپ العان. اتالمىش كەش 28 - ماۋسىم كۇنى "سپارتاك" ستاديونىندا بولىپ وتكەن. كەشتىڭ كوركىن قىزدىرا ءتۇسۋ ءۇشىن قايرات ءان ايتىپ جاتىپ ۇستىندەگى كوستيۋمىن شەشىپ، كورەرمەندەرگە قاراي لاقتىرعان.

 ەگەر باتىس ەلدەرىندەگىدەي جاعداي بولسا، اتالعان كوستيۋم ءباس ساۋدا ارقىلى بۇدان دا قىمبات باعاعا ساتىلاتىن ەدى. ويتكەنى، مۇنداي ءۇردىس ول جاقتا ۇيرەنشىكتى جاعداي. ماسەلەن، ءانشى بريتني سپيرستىڭ شايناپ تاستاعان ساعىزىنىڭ ءوزى ءباس ساۋدادا 14 مىڭ دوللارعا ساتىلسا، «روللينگ ستوۋنز» توبىنىڭ جەتەكشىسى ميك دجاگگەردىڭ ءبىر تال شاشى 6 مىڭ دوللارعا، ال اتى اڭىزعا اينالعان پوپ جۇلدىز مايكل دجەكسوننىڭ اق ءتۇستى قولعابى 350 مىڭ كوك قاعازعا ساتىلعان ەكەن.

31.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى