بولاشاقتا ادامزات بالاسى كومپيۋتەردىڭ سەبەبىنەن دەنە قيمىلىن از جاسايتىن بولادى - ينفورماتيكادان وليمپيادا جەڭىمپازى

ول - وڭتۇستىك كورەيادان كەلگەن يۋن دجي حاك. وسىعان بايلانىستى «قازاقپارات» ءتىلشىسى جاس دارىننان قىسقاشا سۇحبات العان بولاتىن.

- يۋن دجي الماتىعا ءبىرىنشى رەت كەلۋىڭ بە؟

- ءيا.

- جاسىڭ نەشەدە جانە قاي قالادان كەلدىڭ؟

- مەنىڭ جاسىم 17 دە. مەن وڭتۇستىك كورەيانىڭ تەدجون قالاسىنان كەلدىم.

- ينفورماتيكامەن نەشە جاسىڭنان باستاپ اينالىسا باستادىڭ؟

- مەن ينفورماتيكاعا باستاۋىش سىنىپتان باستاپ قىزىقتىم. دەگەنمەن، 10 جاستان اسقان سوڭ مىقتاپ دەن قويا باستادىم. بۇل وليمپياداعا تىڭعىلىقتى دايىندالدىم.

- بۇعان دەيىنگى وليمپيادالاردا قاتىسىپ پا ەدىڭ؟

- ءيا، وتكەن جىلى ءبىرىنشى رەت قاتىستىم. وندا دا ابسوليۋتتى ناتيجەگە، ياعني 600 بالعا قول جەتكىزىپ، جەڭىمپاز اتاندىم. مەنىمەن بىرگە تاعى ءبىر بالا وسىنداي ناتيجەگە قول جەتكىزدى.

- وسى وليمپيادادا تاپسىرمالار قانشالىقتى كۇردەلى بولدى؟

- ادەتتەگىدەي ەكى تۋرعا ءۇش تاپسىرمادان التى تاپسىرما بەرىلدى. ءبىر قىزىعى، كۇردەلىلىگى جاعىنان ولار ءارقالاي بولدى، ءتىپتى وڭاي تاپسىرمالار دا قيىن تاپسىرمالار دا كەزدەستى. مۇنداي كەزدە شاتاسىپ قالۋ وپ-وڭاي. سوندىقتان وسى جاعىنا بارىنشا ساق بولۋعا تىرىستىم.

- جالپى وليمپيادا قانداي دەڭگەيدە ءوتتى؟

- وليمپيادا وتە جوعارى دەڭگەيدە ءوتتى. ماعان قاتتى ۇنادى. وتە قولايلى جاعداي جاسالدى. مىسالى، وتكەن جىلعى وليمپيادادا ءبىز سۋىق، جايسىز جاتاقحاناعا ورنالاسقان ەدىك. ال بيىل بارلىعى جاقسى بولدى.

- يۋن دجي ينفورماتيكانىڭ بولاشاعى تۋرالى نە ايتار ەدىڭ؟

- مەنىڭشە، بولاشاقتا ادامزات بالاسى كومپيۋتەردىڭ سەبەبىنەن دەنە قيمىلىن از جاسايتىن بولادى دەپ ويلايمىن. ويتكەنى بارلىق دەرلىك سالا كومپيۋتەردىڭ ارقاسىندا اۆتوماتتاندىرىلادى دا، كوپ ارەكەت پەرنەتاقتانىڭ تۇيمەسىن باسۋمەن شەكتەلەدى. ياعني، باعدارلامالاۋعا وتە كوپ كوڭىل بولىنەدى دەگەن ءسوز. سوندىقتان، دەنە قيمىلى مەن اقىل-وي ارەكەتى اراسىندا ءبارىبىر ۇيلەسىمدىلىك بولۋى كەرەك سياقتى. بۇعان وسى باستان نەگىز جاسالۋى كەرەك.

- اڭگىمەڭە راحمەت.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى