وسكەمەندە مۋزىكالىق سۋبۇرقاقتار ىسكە قوسىلادى
بارلىق جوندەۋ جۇمىستارى تامىز ايىنىڭ سوڭىنا دەيىن اياقتالادى.
ايماق باسشىسى ەڭ ءبىرىنشى ەرتىس وزەنىنىڭ جاعالاۋىنا ات باسىن تىرەدى. جوباعا سايكەس، ول جەردە وزەن ۆوكزالىنان باستاپ داڭق ەسكەرتكىشىنە دەيىنگى جاياۋ جۇرگىنشى جولىندا تاس توسەۋىشتەر توسەلگەن. ۆەلوسيپەدشىلەرگە ارنالعان بولەك جولدار دا ازىرلەنگەن. وزەنگە قاراي تۇسەتىن جەرلەردىڭ جاقتاۋلارى گرانيتپەن قاپتالۋدا. اتقارىلىپ جاتقان جۇمىستاردى ءوز كوزىمەن كورگەن وبلىس اكىمى، جۇمىستىڭ ساپالى ءارى، مۇقيات ىستەلۋىن تاپسىردى. جاقىن كۇندەرى سپورتتىق جانە ويىن الاڭدارى ورناتىلاتىن بولادى. بارلىق جۇمىستار جوسپارعا ساي جۇرگىزىلۋدە جانە تامىز ايىنىڭ ءۇشىنشى دەكاداسىنا دەيىن ءتامامدالماق.
ال گاگارين جەلەك جولىنداعى ساياجولدىڭ جوندەۋ جۇمىستارى تامىز ايىنىڭ 15 نە دەيىن اياقتالادى. ول جەردە عارىش قۇرىلعىسى ستيلىندەگى ويىن الاڭدارى ورناتىلۋدا. ەرتىس جاعالاۋىنداعى سەكىلدى جاڭا جارىقتاندىرۋ تىرەكتەرى مەن ورىندىقتار ورناتىلۋدا. دانيال كەنجەتاي ۇلى، قالا باسشىسىنىڭ رەسپۋبليكا الاڭىنان دەمونتاجدالعان سۋبۇرقاقتىڭ زودياك بەلگىلەرىن، ويىن الاڭىنىڭ ارعى جاعىنا، ياعني مەتاللۋرگتەر مادەنيەت سارايىنا قاراي ورنالاستىرۋ تۋرالى ۇسىنىسىمەن كەلىستى.
سودان سوڭ، وبلىس اكىمىنىڭ نازارىنا كومەندانتكا وزەنىنىڭ ابباتتاندىرۋ جۇمىستارىن ۇسىندى. جوسپار بويىنشا ول جەردە ورىندىقتار، جارىقتاندىرۋ تىرەكتەرى مەن قوقىس جاشىكتەرى بولماق. ايماق باسشىسى مۋزىكا مەكتەبىنە قاراما-قارسى ورنالاسقان جەر تەلىمىن، جاياۋ جۇرگىنشى جولىن كەڭەيتۋدى ەسەپكە الا وتىرىپ ابباتتاندىرۋ بويىنشا جوبانى الدىڭعى كەزەكتە اياقتاۋدى تاپسىردى.
ارى قاراي، دانيال احمەتوۆ جوبالاۋشىلارمەن بىرگە ۋشانوۆ الاڭىن قاراپ شىقتى، جوبالاۋشىلار ونداعى اينالما جولدىڭ ءپىشىنىن قايتا قاراۋدى ۇسىندى. سونداي-اق، ولار تۇرعىنداردىڭ قاۋىپسىزدىگى ماقساتىندا جەر ۇستىندەگى جاياۋ جۇرگىنشى جولىن ورناتۋ تۋرالى ۇسىنىس ءبىلدىردى. وبلىس اكىمى وسى ماسەلەنى قاراستىرۋعا جوبا ازىرلەۋلەرىن سۇرادى.
وبلىس ورتالىعىن ارالاۋ باعدارلاماسى سۋ بۇرقاقتار قۇرىلىسىنىڭ جۇمىس بارىسىمەن تانىسۋمەن اياقتالدى. ءۇش مۋزىكالىق سۋ بۇرقاق تامىز ايىنىڭ سوڭىنا دەيىن ىسكە قوسىلاتىن بولادى.
