تۋنيستەن كەلگەن دەلەگات قازاقستاننىڭ قوناقجايلىلىعىنا تاڭ قالدى
تۋنيستەن كەلگەن دەلەگات دورسا بەننا قازاقستاننىڭ قوناقجايلىلىعىنا تاڭ قالدى.
«قازاقستان ءبىز ءۇشىن بەيمالىم مەملەكەت بولاتىن. تۋنيس دەلەگاتسياسى قازاقستانعا تۇڭعىش رەت كەلدى. مۇندا وتە قايىرىمدى، وتە قوناقجاي ادامدار تۇرادى. قايدا بارساق تا الدىمىزدا مول داستارحان، قوناقجاي ادامدار قارسى الىپ جاتىر. ءتۇرلى ەكسكۋرسيا، كونسەرتتىك باعدارلامالار ۇيىمداستىرىلۋدا. اسىرەسە، ماعان الماتىنىڭ تاۋلارى قاتتى ۇنادى»، - دەدى ول.
د. بەننا وليمپيادا ۇيىمداستىرۋشىلارىنىڭ جۇمىسىنا ريزاشىلىعىن ءبىلدىردى.
«قازاقستاننىڭ وسىنداي جوعارى دەڭگەيدەگى شارالاردى ۇيىمداستىرۋدا تاجىريبەسى مول ەل ەكەن»، - دەدى شەتەلدىك قوناق.
كەشە الماتىدا ينفورماتيكا پانىنەن حالىقارالىق وليمپيادا ءوز مارەسىنە جەتتى. ەكى كۇندىك دودادا قازاقستان 4 مەدالمەن جالپى كوماندالىق ەسەپتە 8- ورىنعا تۇراقتادى.
اۆتور: گۇلميرا عوسمانالي
