حالىقارالىق وليمپيادا قاتىسۋشىسى دانيار مامينوۆ ءوز ءومىرىن عىلىممەن بايلانىستىرماق

وقۋشى وڭتۇستىك كورەيادا ءبىلىمىن جەتىلدىرگىسى كەلەتىنىن ايتتى.

سايىستىڭ قوسكۇندىگىندە دانيار 323 بال جيناعان. ول قازاقستان قۇراماسىنا قولا مەدال ولجالادى. سايىستىڭ ابسوليۋتتى چەمپيونى وڭتۇستىك كورەيادان كەلگەن دجي حاك يۋن ەكەنىن ايتا كەتۋ كەرەك. ودان كەيىن رەسەيلىك ميحايل يپاتوۆ 561 بال، ا ق ش- تان كەلگەن ەندريۋ حە 555 بالمەن ءۇشىنشى ورىنعا تۇراقتادى.

«وليمپيادا وتە جوعارى دەڭگەيدە ءوتتى. مەنىڭ كورسەتكەن ناتيجەمە كوڭىلىم تولادى. ءبىراق، ودان دا جاقسى ناتيجە كورسەتۋگە بولار ەدى. ونىڭ وزىندىك قيىندىقتارى بولدى. مەن ەكىنشى كۇندە وسالدىق تانىتتىم. تاپسىرمالار ەرەكشە بولدى»، - دەدى د. مامينوۆ.

 «باعدارلامالاۋشىلاردىڭ ءوز پورتالى بار. سول جەردە اركىمنىڭ رەيتينگى كورسەتىلەدى. وليمپياداعا دەيىن مەن قارسىلاستارىمنىڭ دەڭگەيىنەن حاباردار بولدىم. مەن ءۇشىن ولاردىڭ ناتيجەسى تاڭقالارلىق بولعان جوق. ءبىراق مەن ءۇشىن بۇل ۇلكەن ستيمۋل بولدى»، - دەدى قاتىسۋشى.

ەندى دانيار ءوز ءومىرىن ينفورماتيكامەن بايلانىستىرماق. وقۋىن وڭتۇستىك كورەيادا جالعاستىرعىسى كەلەتىنىن جەتكىزدى.

ايتا كەتەيىك، حالىقارالىق ءبىلىم دوداسى بۇگىن اياقتالدى. جەڭىمپازداردى ماراپاتتاۋ جولداسبەكوۆ اتىنداعى ستۋدەنتتەر سارايىندا تۇسكى 15:00 دە وتەدى.

بارلىعى 27 التىن، 55 كۇمىس، 79 قولا مەدال تاراتىلادى.

كەلەسى وليمپيادا رەسەيدىڭ قازان قالاسىندا وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى