الماتى تۇبىندەگى اۋە اپاتىنان قازا بولعانداردىڭ تۋىستارى: تەرگەۋشىلەر ايىپتىنى ىزدەپ جاتىر
بۇگىن كوكشەتاۋدا SCAT ۇشاعىنىڭ اۋە اپاتىنان قازا تاپقاندارعا ارناپ ەسكەرتكىش اشىلدى.
ەسكەرتكىشتىڭ اشىلۋىنا قازا تاپقانداردىڭ تۋىستارى، دوستارى، سونىمەن قاتار وبلىستىق ءماسليحات دەپۋتاتتارى مەن قالالىق اكىمدىكتىڭ وكىلدەرى كەلدى. سۆەتلانا سەرىكوۆا ەسكەرتكىشتى اشۋعا 2,5 جىل كەتكەنىن ايتتى.
«شىندىعىندا ءبىز باسقا نارسە كۇتكەن ەدىك،قازىرگى ۋاقىتتا ءتورت ادامدى كىنالاپ وتىر. ولارعا ايىپ تاعىلدى. ايىپ قازا تاپقان ادامدارعا تاعىلدى. تەرگەۋشىلەر اپاتقا اكەلەتىن ەرەجە بۇزۋشىلىقتاردىڭ بولعانىن ايتتى. ايتقاندارىندا جۇيە جوق: ءىس ماتەريالىندا ناقتى كىمنىڭ كىناسىنان ۇشاقتىڭ قۇلاعانى ايتىلماعان. مەنىڭشە، قازىر ءىستى جابۋ ءۇشىن وسىلاي ەتىپ وتىر. الدا سوت بار، قىلمىستىق ءىس قوزعالدى، ءالى ۋاقىت الدا. ءىس بۇگىن نەمەسە ەرتەڭ بىتپەيدى. بىرنەشە جىلعا دەيىن سوزىلۋى مۇمكىن. دەگەنمەن جالا جابا سالاتىن ادامدى ىزدەۋدىڭ قاجەتى جوق جەپ ويلايمىن»، - دەدى سەرىكوۆا.
شارادا قازا تاپقانداردى ەسكە الۋ ءۇشىن ءبىر مينۋت ۇنسىزدىك جاريالاندى. ەسكەرتكىشتىڭ اشىلۋىنا قاتىسۋ ءۇشىن SCAT باسپا ءسوز قىزمەتىنىڭ باسشىسى ۆيكتوريا ۋليانوۆا كەلدى. ول اۋە كومپانياسىنىڭ پرەزيدەنتى مەن ۇجىمىنىڭ اتىنان كوڭىل ايتىپ، قازا تاپقانداردىڭ تۋىستارى مەن SCAT ءبىر وتباسى ەكەنىن مالىمدەدى. بالالار اسپانعا شار ۇشىردى، ال ەسكەرتكىشتىڭ الدىنا 21 شام جاعىلدى. گۇل قويۋ راسىمىنەن كەيىن جينالعاندار تۇسكى اسقا وتىردى.
ەسكە سالا كەتەيىك، الماتىداعى اۋە اپاتى 2013 - جىلدىڭ 29 -قاڭتارىندا بولعان ەدى. SCAT اۋە كومپانياسىنىڭ كوكشەتاۋدان الماتىعا باعىت العان Challenger-200 ۇشاعى الماتى اۋەجايىنا جاقىن ماڭداعى قىزىلتۋدا اپاتقا ۇشىرادى. ەكيپاجدىڭ بەس مۇشەسى مەن 16 جولاۋشى قازا تاپتى، ولاردىڭ ىشىندە 2 جاسار بالا دا بار.
