قازاقستاندىقتار زاڭسىز الكوگول ونىمدەرىن سمارتفوننىڭ كومەگىمەن تەكسەرە الادى
«2014 -جىلى الكوگول ونىمدەرىنىڭ اينالىمى تۇرعىسىنان زاڭناما وڭتايلاندىرىلدى. الكوگول ونىمدەرىنىڭ كولەڭكەلى اينالىمىن ازايتۋ ماقساتىندا زاڭ جوباسىندا سمارتفوندار مەن پلانشەتتەردى پايدالانا وتىرىپ الكوگول ونىمدەرى نارىعىندا سۋبەكتىلەرگە الكوگولدىك ءتۇپنۇسقالىعىن دەربەس سايكەستەندىرۋ قۇقىقتارىن بەرۋ نورمالارىن ەنگىزۋ قاراستىرىلعان. زاڭ جوباسىن 2016 -جىلى ىسكە اسىرۋ جوسپارلانعان»، دەلىنگەن حابارلامادا
بۇل ماسەلەنى شەشۋ ءۇشىن كوميتەت Wipon (ۆايپون) كومپانياسىمەن زاڭسىز الكوگول ونىمدەرىن انىقتاۋعا ارنالعان موبيلدى قوسىمشاسىن ىسكە قوستى. iOs, Android جانە Windowsphone ءۇشىن Wipon اتتى قوسىمشانى جۇكتەۋگە بولادى.
اكسيزدىك ماركالار سكانەرلەنگەننەن كەيىن قوسىمشادا الكوگول ونىمدەرىنىڭ ءتۇپنۇسقالىعىن تۋرالى اقپارات كورسەتىلەدى. بارلىق ىقتيمال زاڭسىز تاۋارلار تۋرالى مالىمەتتەر بار سكانەرلەنگەن دەرەكتەر ناقتى ۋاقىت رەجىمىندە كوميتەتكە جىبەرىلەدى، بۇل ۆەدومستۆونىڭ ىشكى رەسۋرستار شىعىندارىن ازايتۋعا جانە كىرىس دەرەكتەرىن وڭدەۋ پروتسەستەرىن وڭتايلاندىرۋعا مۇمكىندىك بەرەدى.
Wipon دۇنيەجۇزىلىك بانكى مەن قازاقستان رەسپۋبليكاسى ءبىلىم جانە عىلىم مينيسترلىگى بىرلەسىپ جۇزەگە اسىراتىن تەحنولوگيالاردى كوممەرتسيالاندىرۋ جوباسى شەڭبەرىندە قولدانىلادى. سەرۆيس كولەڭكەلى ەكونوميكامەن كەشەندى كۇرەس جۇرگىزۋگە ارنالعان.
جاقىن ارادا Wipon ءدارى-دارمەك، پارفيۋمەريا، تۇرمىستىق حيميا، ازىق-تۇلىك جانە باسقا دا تۇتىنۋ تاۋارلارى سياقتى ونىمدەردى تەكسەرۋ ءۇشىن قولجەتىمدى بولادى. Wipon قوسىمشاسى پايدالانۋشىلار مەن وندىرۋشىلەر ءۇشىن تەگىن بولىپ تابىلادى.
